|
Өстәмә һөнәри белем бирү дәүләт автоном белем бирү учреждениесе |
2022 елның 24 февралендә «Ачык сыйныф» проекты кысаларында Татарстан Республикасы Мәгарифне үстерү институты сыйныф җитәкчеләре, белем бирү оешмалары белгечләре һәм ата-аналар өчен тематик вебинарлар циклын дәвам итә.
Чара 15.00 сәгатьтә (мск) башлана.
Чүпрәле районы мәктәпкәчә белем бирү оешмаларының педагогик хезмәткәрләренә методик ярдәм күрсәтү максатында Татарстан Республикасы Мәгарифне үстерү институты мәктәпкәчә һәм башлангыч гомуми белем бирү кафедрасы 2022 елның 21 февралендә онлайн режимда «Кече һәм мәктәпкәчә яшьтәге балаларны үстерүнең белем бирү бурычларын яшь һәм индивидуаль үзенчәлекләрен исәпкә алып хәл итү өчен кирәкле һөнәри әһәмияткә ия компетенцияләрне үстерү» методик семинарын уздырды.
2022 елның 17 февралендә Татарстан Республикасы Мәгарифне үстерү институты Мәктәпкәчә һәм башлангыч гомуми белем бирү кафедрасы мәктәпкәчә белем бирү педагоглары өчен «Педагог практикасында комлы терапия» вебинарын оештырды һәм үткәрде.
Хөрмәтле коллегалар!
Сезне чын күңелдән Ватанны саклаучылар көне белән котлыйбыз! Бүген без бу югары, барысы өчен дә бердәм булган исемгә катнашы булган кешеләрне - агарган чәчләреннән алып, дәрәҗәле фронтовикларга һәм әле күптән түгел генә хәрби форма кигән яшьләргә кадәр хөрмәтлибез. Бу бәйрәм Россия державасының көч һәм куәтен тасвирлый, Ватанга мәхәббәт һәм аңа тугрылык, якыннар турында кайгырту һәм үз гаиләңне яклау сәләтен чагылдыра.
2022 елның 4 февраленнән 18 февраленә кадәр Татарстан Республикасы Мәгарифне үстерү институты Педагогика һәм мәгариф идарәсе кафедрасы тарафыннан Татарстан Республикасы гомуми белем бирү оешмалары җитәкчеләре урынбасарларын «Нәтиҗәлелекне күтәрү коралы буларак мәгълүматлар нигезендә белем бирү оешмасы белән идарә итү» квалификация күтәрүнең өстәмә һөнәри программасы буенча укыту үткәрелде.
2022 елның 25 февралендә Татарстан Республикасы Әлки һәм Менделеевск муниципаль районнары белем бирү оешмалары җитәкчеләренә методик ярдәм күрсәтү кысаларында Татарстан Республикасы Мәгарифне үстерү институты Бөгелмә муниципаль районының аерым фәннәрне тирәнтен өйрәтүче 3 нче урта мәктәбе белән берлектә «Белем бирү оешмасы белән идарә итүнең актуаль мәсьәләләре: идарә итү аспекты буларак белем бирү сыйфатының эчке мониторингы» республика семинарын үткәрә.
2022 елның 7 февраленнән 18 февраленә кадәр Татарстан Республикасы Мәгарифне үстерү институты авторлык педагогик мәктәпләре лабораториясе тарафыннан «Закон үзгәрешләре шартларында өстәмә белем бирү системасын үстерүнең стратегик мәсьәләләре» темасы буенча җитәкче хезмәткәрләрнең квалификациясен күтәрү программасы гамәлгә ашырылды, курсның кураторы авторлык педагогик мәктәпләре лабораториясе доценты Г. Ч. Тахтамышева.
2022 елның 19-20 февралендә Казан шәһәренең 7 нче лицей-интернат базасында Татарстан Республикасы Мәгарифне үстерү институты тарафыннан «Киләчәк» («Будущее») тәрбияләнүчеләре тәүлек әйләнәсе гомуми белем бирү оешмаларында булган Татарстан Республикасы тәрбиячеләре өчен «Бүгенге тәрбияче образы» темасына форум үткәрелде. Чара Россия мәгариф академиясенең «Укытучы 2.0» инновацион мәйданчыгын гамәлгә ашыру кысаларында оештырылды.
Россия Мәгариф министрлыгы академиясе федераль методик үзәге 2022 елның 24 февралендә Мәскәү вакыты белән 14:30да «Табигый-фәнни грамоталылык. Мәгълүматлар интерпретациясе: аңлашу, анализ, бәяләү» чираттагы вебинарын үткәрә.
18 февральдә Мәгариф сыйфатын мониторинглауның республика үзәге базасында яңартылган федераль дәүләт белем бирү стандартларын гамәлгә кертү эшләрен оештыру һәм методик яктан тәэмин итү мәсьәләләре буенча Татарстан Республикасы муниципаль берәмлекләренең мәгариф бүлекләре (идарәләре) башлыклары урынбасарлары белән киңәшмә узды.
