|
Өстәмә һөнәри белем бирү дәүләт автоном белем бирү учреждениесе |
23-26 августта Новосибирск өлкәсендә «Технопром-2022»IX Халыкара технологик үсеш форумы узачак. Төп тема-технологик суверенитет һәм илнең тотрыклы үсеше.
Дәреслекләр буенча фәнни-методик совет утырышы узды, аның нәтиҗәләре буенча федераль исемлеккә кертү өчен 327 дәресле хупланды, шул исәптән туган телләр буенча һәм мөмкинлекләре чикләнгән балаларны укыту өчен.
Россиядә укытучылар турында телепроектта катнашу өчен педагогларны сайлап алу башланды, аның барышында «аудиторияне җәлеп итә, хәтта иң катлаулы материалны җиңел һәм аңлаешлы итеп аңлата ала торган илнең иң яхшы заманча педагогын сайлап алачаклар».
РФ Президенты Владимир Путин 2021 елның мартында «Ел укытучысы» конкурсы форматын үзгәртергә һәм аны ел дәвамында реалити-шоу буларак үткәрергә тәкъдим итте.
Нинди югары уку йортын сайларга, кемгә укырга, бердәм дәүләт имтиханына әзерлекне ничек башларга — бу мәсьәләләр теләсә кайсы өлкән сыйныф укучысы һәм ата-ана өчен актуаль. Бигрәк тә мәктәпне тәмамлауга бер ел калганда бу мәсьәлә мөһим була.
«Школа. Непридуманные истории» бөтенроссия конкурсына гаризалар кабул ителә башлады. Ул Россия Мәгариф һәм фән министрлыгы тарафыннан Россия мәктәп укучылары хәрәкәте һәм «Просвещение» компанияләр төркеме белән берлектә үткәрелә.
Конкурста 17 яшькә кадәрге балалар һәм яшүсмерләр, аларның әти-әниләре һәм педагоглары катнаша ала. Катнашучылар иҗади эш – хикәя, иллюстрацияле хикәя, аудиоәсәр, видеоролик, комикс тәкъдим итәргә тиеш.
Татарстанда «Белем җәе» - Иннополис университеты проекты эшли башлады. «Белем җәе» -мәктәп укучылары, көллият һәм техникум студентлары өчен бушлай онлайн-курслар, дип сөйләде Татарстанның цифрлы үсеш министры Айрат Хәйруллин.
«Ата-аналар репетиторларга зур акчалар бирәләр, платформаларга түлиләр. «Белем җәе» цифрлаштыру елы кысаларында Татарстан халкына кирәкле контент алырга һәм билгеле бер юнәлешләр буенча белем дәрәҗәсен арттырырга мөмкинлек бирә», - дип билгеләп үтте министр.
Татарстанда 2-3 сыйныф укучылары өчен «Электрон экологик көндәлек» медиапособие эшләнде. Аны укучылар дәресләрдә дә, мөстәкыйль дәресләрдә дә кулланачаклар.
Россия укучылар җыелма командасы өч алтын һәм өч көмеш медаль яулады
Ослода (Норвегия) мәктәп укучыларының 63нче Халыкара математика олимпиадасы тәмамланды (IMO-2022). Анда 100дән артык илдән 589 бала катнашты. Россия укучылары биремнәрне дистанцион рәвештә үтәделәр һәм өч алтын һәм өч көмеш медаль алдылар.
«Хәзерге заман мәгарифе: актуаль мәсьәләләр һәм инновацияләр» электрон фәнни-методик журналының 2022 ел өчен 2 нче саны басылып чыкты. Мәкаләләр белән түбәндәге сайтта танышырга була: http://irortsmi.ru/
Россия Федерациясе Мәгариф министрлыгы куркыныч һәм конфликтлы ситуацияләрдә үз-үзләрен тоту буенча киңәшләре булган яшүсмерләр өчен белешмәлек, шулай ук аларның ата-аналары өчен хәвефле һәм бәйле тәртипне күрсәтүче балалар белән хезмәттәшлек буенча тәкъдимнәр китерелгән белешмәлек әзерләде.
