|
Өстәмә һөнәри белем бирү дәүләт автоном белем бирү учреждениесе |
2022 елның 17 мартында Татарстан Республикасы Мәгариф һәм фән министрлыгында «Ел тәрбиячесе - 2022» республика һөнәри конкурсы финалистлары белән түгәрәк өстәл узды. Түгәрәк өстәлнең модераторы Татарстан Республикасы Мәгарифне үстерү институты Мәктәпкәчә һәм башлангыч гомуми белем бирү кафедрасы доценты, психология фәннәре кандидаты Светлана Николаевна Башинова булды.
Татарстан Республикасы Мәгарифне үстерү институты ата-аналар җәмәгатьчелеге, сыйныф җитәкчеләре һәм белем бирү оешмаларының башка белгечләре өчен «Ачык сыйныф» проекты кысаларында тематик вебинарлар сериясен дәвам итә.
2022 елның 28 мартында 15:00 - 16:30 сәгатькә кадәр «Берләшкән сыйныф коллективын формалаштыру ысуллары һәм алымнары» темасы буенча вебинар үткәреләчәк.
Россия Федерациясе Мәгариф министрлыгының белем бирү хезмәткәрләренең дәүләт сәясәтен һәм һөнәри үсешен гамәлгә ашыру академиясе 2022 елның 29 мартыннан 16 декабренә кадәр Россия Федерациясе субъектларыннан белем бирү оешмалары укытучылары өчен график нигезендә дүрт юнәлеш буенча һөнәри олимпиадалар уздыру турында хәбәр итә.
2022 елның 28 мартында Татарстан Республикасы Ютазы муниципаль районы мәктәпкәчә белем бирү оешмаларының педагогик һәм җитәкче хезмәткәрләре өчен «Яшь һәм үсешнең индивидуаль үзенчәлекләрен исәпкә алып, кече һәм мәктәпкәчә яшьтәге балаларны үстерү бурычларын хәл итү өчен кирәкле һөнәри әһәмияткә ия компетенцияләрне үстерү» темасына семинар узачак.
2022 елның 19 мартында Татарстан Республикасы Мәгарифне үстерү институты программаларын һәм проектларын гамәлгә ашыру үзәге тарафыннан Буа муниципаль районы Башкарма комитетының мәгариф идарәсе, И.Н. Ульянов исемендәге Ульяновск дәүләт педагогика университеты белән берлектә «РОСНАНО мәктәп лигасы» проектын гамәлгә ашыру чаралары планы нигезендә «Хәзерге заман белем бирү шартларында яшь белгечләрне һөнәри социальләштерү механизмы буларак мәктәп һәм югары уку йортының үзара хезмәттәшлеге» төбәкара конференциясе оештырылды һәм уздырылды.
2022 елның 21 мартында Казан шәһәренең Вахитов районы 39нчы урта гомуми белем бирү мәктәбе базасында «Минем гаилә тарихы» төбәкара конференциясе узды. Анда Татарстан Республикасы һәм күрше регионнардан 100гә якын 5-11 нче сыйныф укучысы катнашты.
Татарстан Республикасы Мәгарифне үстерү институты тарафыннан мәгариф бүлекләренең методистлары, район методик берләшмәләре җитәкчеләре, гомуми белем бирү оешмалары методик берләшмәләре җитәкчеләре өчен педагогик хезмәткәрләрнең һөнәри компетентлыгын формалаштыру мәсьәләләре буенча методик ярдәм күрсәтү максатыннан семинарлар үткәрү планлаштырыла.
2022 елның 29 мартында Татарстан Республикасы Азнакай һәм Арча районы мәктәпкәчә белем бирү оешмаларының җитәкче һәм педагогик хезмәткәрләре өчен «Белем бирү платформаларының кече һәм мәктәпкәчә яшьтәге балаларның ата-аналарына психологик-педагогик, методик һәм консультацион (шул исәптән дистанцион формада) ярдәм күрсәтү мөмкинлеге» темасы буенча вебинар форматында республика мәгариф практикумы узачак.
2022 елның 24 мартында Татарстан Республикасы Әлки һәм Ютазы муниципаль районнары гомуми белем бирү оешмаларының биология укытучылары өчен «Дәүләт йомгаклау аттестациясенә әзерлек контекстында биологияне өйрәнүгә һәм укытуга заманча якын килү» темасына семинар узачак.
2022 елның 30 мартында Татарстан Республикасы Мәгарифне үстерү институты Дәүләт Рус музее белән берлектә ачык лекцияләр циклын ачалар. Әлеге лектория 2020-2024 елларга Татарстан Республикасы гомуми белем бирү оешмаларында «Сәнгать» предметын укыту концепциясен гамәлгә ашыру чаралары кысаларында уздырыла.
