Татарстан Республикасы шәһәрләре һәм районнары муниципаль берәмлекләре башкарма комитетларының мәгариф бүлекләре (идарәләре) җитәкчеләре өчен өстәмә һөнәри квалификация күтәрү программасы буенча укулар дәвам итә.
2023 елның 27 сентябрендә мәгариф бүлекләре (идарәләре) җитәкчеләре өчен Татарстан Республикасы Әлмәт муниципаль районының гомуми белем бирү оешмалары базасында күчмә стажировка узды.
«Адымнар-Әлмәт» полилингваль гимназиясе стажировкада катнашучылар өчен мәйданчык булды.
Стажировканың максаты: конкрет белем бирү оешмасы шартларында алдынгы тәҗрибәне өйрәнү.
Очрашуны Татарстан Республикасы Мәгарифне үстерү институты ректоры Л. Н.Ногманова, Татарстан Республикасы Мәгариф һәм фән министрлыгының өстәмә һөнәри белем бирүне үстерү бүлеге башлыгы Р. И. Шәяхмәтова, Татарстан Республикасы Әлмәт муниципаль районы мәгариф идарәсе башлыгы И. А. Павловская, Татарстан Республикасы Мәгарифне үстерү институты Педагогика һәм белем бирү белән идарә итү кафедрасы мөдире И. А. Сахнова ачтылар.
Стажировкада катнашучыларга сәламләү сүзе белән Татарстан Республикасы Мәгарифне үстерү институты ректоры Людмила Николаевна Ногманова мөрәҗәгать итте.
Татарстан Республикасы Әлмәт муниципаль районы мәгариф идарәсе башлыгы И.А. Павловская Татарстан Республикасы Әлмәт муниципаль районы мәгариф идарәсе эш системасын тәкъдим итте, шулай ук җирле үзидарә органнарының вазыйфаи затлары тарафыннан гражданнарны шәхси кабул итүне оештыру мәсьәләләре буенча законнарны куллануның гамәли аспектлары белән таныштырды.
Мәгариф бүлекләре (идарәләре) җитәкчеләре Әлмәт муниципаль районы мәктәпләрендә арт-педагогиканы гамәлгә кертү тәҗрибәсе белән таныштылар. «Артпедагогика-сәнгать һәм педагогика синтезы. Укучыларның танып белү эшчәнлеген сәнгать чаралары белән активлаштыру, балаларның эчке дөньясының рухи-әхлакый халәтен гармонияләштерү максатыннан гомуми белем бирү оешмаларында «Артпедагогика» проекты эшли башлады», – дип билгеләп үтте Татарстан Республикасы Әлмәт муниципаль районы мәгариф идарәсе башлыгы И.А. Павловская.
«Бу физкультура дәресләре программасында триатлон барлыкка килгән беренче мәктәп», – дип чыгышын «Адымнар-Әлмәт» полилингваль гимназиясе директоры Илшат Илдус улы Яруллин башлады.
Катнашучыларның эше Әлмәт муниципаль районының түбәндәге гомуми белем бирү мәйданчыкларында дәвам ителде: Инженерлык лицее һәм М.К. Таһиров исемендәге 1 нче лицей, анда җитәкчеләр стажировкада катнашучыларга табигый-фәнни, цифрлы һәм гуманитар профильле уку предметларын өйрәнү өчен белем бирү процессын оештыру үзенчәлекләрен һәм белем бирү табышларын күрсәттеләр.
Татарстан Республикасы Мәгариф һәм фән министрлыгының өстәмә һөнәри белем бирүне үстерү бүлеге башлыгы Р.И. Шәяхмәтова стажировкага йомгак ясады. Стажировка нәтиҗәләре буенча рефлексия булды, катнашучылар стажировка кысаларында алынган мәгълүматның гамәли әһәмиятен һәм актуальлеген, белем бирү программасының тулы булуын, хезмәттәшләренең җылы мөнәсәбәтен һәм кунакчыллыгын билгеләп үттеләр.
#ПедагогОстазЕлы
#ПедагогЕлы2023
#ОстазЕлы2023
#ТатарстанРеспубликасыМәгарифнеҮстерүИнституты
