|
Өстәмә һөнәри белем бирү дәүләт автоном белем бирү учреждениесе |
2024 елның 1 апреленнән 14 сентябренә кадәр Татарстан Республикасы белем бирү оешмалары җитәкчеләренең кадрлар резервы өчен «Заманча мәгариф менеджменты» өстәмә һөнәри белем бирү программасы буенча укулар уздырылды.
ХӨРМӘТЛЕ КОЛЛЕГАЛАР!
Тикшеренүләрегезне ЗАМАНЧА МӘГАРИФ: АКТУАЛЬ МӘСЬӘЛӘЛӘР ҺӘМ ИННОВАЦИЯЛӘР электрон фәнни-методик журналында бастырып чыгарырга чакырабыз
М.И. Мәхмүтов исемендәге 184 нче Казан гимназиясенең тарих һәм җәмгыять белеме укытучысы Илмира Фазылҗанова һәм Татарстан Республикасы Мәгарифне үстерү институты Программаларны һәм проектларны гамәлгә ашыру үзәгенең әйдәп баручы фәнни хезмәткәре Диләрә Шакирова 2024 елда М. И. Мәхмүтов исемендәге Дәүләт премиясе лауреатлары булдылар. Тиешле указга Татарстан Рәисе Рөстәм Миңнеханов кул куйды.
Педагогларның һәм тикшеренүчеләрнең фәнни-педагогик активлыгын арттыру һәм потенциалын ачу, белем бирү оешмалары вәкилләре арасында фәнни-педагогик тәҗрибә уртаклашу максаты белән Татарстан Республикасы Мәгарифне үстерү институты 2024 елның 09 сентябреннән 30 октябренә кадәр «Педагог-тикшеренүче: тәҗрибә, инновацияләр, перспективалар» II Республика фәнни-педагогик конкурсын уздыра.
Казанда «Иң яхшы туган тел һәм туган әдәбият укытучысы – 2024» Бөтенроссия һөнәри конкурсының йомгаклау этабын ачу тантанасы булды. Финал сынауларында 79 төбәктән 112 педагог – туган тел укытучылары һәм балалар бакчалары тәрбиячеләре катнаша.
Уку елы башында Саха (Якутия) Республикасы педагогик хезмәткәрләренең традицион киңәшмәсе булды. Киңәшмәдә Татарстан Республикасы Мәгарифне үстерү институты укыту һәм методик эш буенча проректоры Александр Викторович Хохлов катнашты.
Татарстан Республикасы Мәгарифне үстерү институты ректоры Л. Н.Ногманова кушуы буенча һәм ике республиканың мәгариф системалары арасында урнаштырылган партнерлык элемтәләре нигезендә А. В. Хохлов Якутия мәгарифенең берничә категория идарәчеләре өчен ике көнлек семинар-практикум үткәрде.
Татарстан Республикасы Мәгарифне үстерү институтында 2024 елның 13 сентябрендә 5.8.1. Гомуми педагогика, педагогика һәм белем бирү тарихы фәнни белгечлеге буенча аспирантурага керү өчен махсус дисциплина буенча кереш сынавы булды. Имтиханны ректор Л.Н. Ногманова рәислегендәге комиссия кабул итте.
Дәүләт йөкләмәсе кысаларында Татарстан Республикасы Мәгарифне үстерү институты Татар теле һәм әдәбияты кафедрасы 2024 елның 13 сентябрендә видеоконференция форматында Россия Федерациясе белем бирү оешмалары педагоглары өчен «Туган (татар) теле һәм әдәбияты дәресләрендә ясалма интеллект технологияләрен куллану» дип аталган вебинар үткәрде.
Мәктәптә белем бирү системасын үстерүнең комплекслы стратегиясе 2030 елга кадәр эшләнәчәк. Бу хакта Россия Федерациясе Мәгариф министры Сергей Кравцов XI Гомумроссия ата-аналар җыелышында чыгыш ясаганда хәбәр итте.
2024 елның 11 сентябрендә Татарстан Республикасы Мәгариф һәм фән министрлыгының 2023 елның 21 декабрендәге под - 2321/23 номерлы боерыгы белән расланган гамәлгә куючының 2024 елга дәүләт йөкләмәсен гамәлгә ашыру кысаларында Татарстан Республикасы Мәгарифне үстерү институты Педагогика һәм белем бирү белән идарә итү кафедрасы «Белем бирү оешмасы җитәкчесенең шәхси һәм һөнәри үсеш модельләре» республика семинарын оештырды һәм үткәрде.
