|
Өстәмә һөнәри белем бирү дәүләт автоном белем бирү учреждениесе |
2022 елның 20 апрелендә «Белем бирү оешмасы эшчәнлеге үздиагностикасы нигезендә белем бирү оешмасы белән идарә итү: белем бирүнең сыйфатын бәяләү нәтиҗәләрен интерпретацияләү. Өченче буын ФДББС кысаларында локаль актлар» темасына Татарстан Республикасы Кайбыч муниципаль районы гомуми белем бирү оешмалары җитәкчеләре һәм укыту-методика эшләре буенча җитәкче урынбасарлары өчен семинар узачак.
2022 елның 20 апреленнән 23 апреленә кадәр Татарстан Республикасы Мәгарифне үстерү институты Һөнәри компетенцияләрне үстерү бүлеге хезмәткәрләре, системалы һәм критик фикерләү, команда эше, һөнәри эшчәнлекне планлаштыру, цифрлы компетентлык, үз-үзен камилләштерүгә мотивация һәм башка компетенцияләрен үстерү максатыннан, Татарстан Республикасы Арча муниципаль районы педагогларына педагогларына укулар уздыруны планлаштыралар. Үткәрү форматы: билгеләнгән компетенцияләрне нәтиҗәле үстерүгә ярдәм итә торган тренинглар, форсайт-сессияләр һәм практикумнар.
2022 елның 20-21 апрелендә башлангыч гомуми белем бирүне җитәкли торган мәгариф бүлекләре (идарәләре) белгечләре һәм методистлары өчен «Башлангыч гомуми белем бирүнең предметлы өлкәләрен укытуның эчтәлеген һәм методикаларын башлангыч гомуми белем бирүнең федераль дәүләт белем бирү стандартлары таләпләре нигезендә яңарту» семинары булачак.
2022 елның 15-16 апрелендә Александр Михайлович Бутлеров исемендәге III республика фәнни-гамәли конференциясе узачак. Конференция Татарстан Республикасы Мәгариф һәм фән министрлыгы ярдәмендә Казан шәһәренең Яңа Савин районы 177 нче лицее базасында Татарстан Республикасы Мәгарифне үстерү институты тарафыннан уздырыла.
2022 елның 14 апрелендә Татарстан Республикасы Биектау һәм Мамадыш районнарының мәктәпкәчә белем бирү оешмаларының җитәкче һәм педагогика хезмәткәрләре өчен «Белем бирү платформаларының кече һәм мәктәпкәчә яшьтәге балаларның ата-аналарына психологик-педагогик, методик һәм консультацион (шул исәптән дистанцион формада) ярдәм күрсәтү мөмкинлеге» темасы буенча вебинар форматында республика мәгариф практикумы узачак.
Татарстан Республикасы Мәгарифне үстерү институты һәм Мәскәү өлкәсе Электросталь шәһәр округы администрациясенең мәгариф идарәсе арасында дәвам итә торган нәтиҗәле хезмәттәшлек кысаларында 2022 елның 5 апреленнән 10 апреленә кадәр Татарстан Республикасы Мәгарифне үстерү институты Һөнәри компетенцияләрен үстерү бүлеге хезмәткәрләре «Мәгариф системасының идарә командаларын формалаштыру һәм үстерү» квалификациясен күтәрүнең өстәмә һөнәри программасы буенча Электросталь шәһәр округы мәгариф системасы җитәкчеләрен укытты.
2022 елның 8 апрелендә Казан шәһәренең "Унбер" күппрофильле лицеенда башлангыч сыйныфлар укытучылары коллективы Татарстан Республикасы Мәгарифне үстерү институты Мәктәпкәчә һәм башлангыч гомуми белем бирү кафедрасы мөдире Гөлназ Рәшит кызы Хәмитова белән очрашты.
Әңгәмә барышында башлангыч мәктәптә заманча дәресне оештыру, яңартылган башлангыч гомуми белем бирү федераль дәүләт белем бирү стандартлары таләпләрен исәпкә алып, кече яшьтәге мәктәп укучыларын укыту алымнарын һәм ысулларын нәтиҗәле файдалану кебек актуаль мәсьәләләр каралды.