ИРОРТ

Ни рәвешле диссертация дәүләт масштабындагы инструментка әверелә ала? 3 нче курс аспирантыбыз Алинә Әхмәтшинадан сорагыз. Аның «Талант траекториясе: төбәктәге олимпиададан һөнәргә кадәр» проекты «Сенеж» идарә остаханәсендә көндезге модуль нәтиҗәләре буенча илдә иң яхшы 20 проектның берсе дип танылды!

Татарстан Республикасы Мәгарифне үстерү институтының «Хәзерге заман мәгарифе: актуаль мәсьәләләр һәм инновацияләр» челтәр фәнни-методик басмасының 2026 ел өчен 2 нче саны басылып чыкты. Материаллар белән сайтта танышырга мөмкин: http://irortsmi.ru.

«Хәзерге заман мәгарифе: актуаль мәсьәләләр һәм инновацияләр» журналы илебезнең мәгариф системасының барлык дәрәҗәләрендә идарә итү, укыту һәм тәрбия өлкәсендәге төп тенденцияләргә һәм практикаларга комплекслы анализ ясаудан гыйбарәт.

16 июньнән 25 июньгә кадәр мәктәпләрнең башлангыч сыйныф укытучылары Татарстан Республикасы Мәгарифне үстерү институтында «Башлангыч мәктәптә уку предметларының эчтәлеген гамәлгә ашыру үзенчәлекләре» квалификация күтәрү программасы буенча белем алдылар (куратор – Хәмитова Г.Р.).

Барлык катнашучыларны да котлыйбыз!

«Иң яхшы методик берләшмә җитәкчесе – 2026» республикакүләм конкурсына нәтиҗәләр ясалды. Конкурста җиңүчеләр исемлеге белән Татарстан Республикасы Мәгарифне үстерү институты өстәмә һөнәри белем бирү дәүләт автоном белем бирүучреждениесенең 2026 елның 8 июненнән 217 номерлы боерыгына кушымтада танышырга мөмкин.
#ИРОРТ

2026 елның 8 июненнән 18 июньгә кадәр Татарстан Республикасы Мәгарифне үстерү институтының мәктәпкәчә һәм башлангыч гомуми белем бирү кафедрасы тарафыннан «Мәктәпкәчә белем бирү учредениесендә полилингваль белем бирүне оештыру өчен заманча алымнар» квалификация күтәрү программасы гамәлгә ашырылды (кураторы Р.И. Латыйпова).
#ИРОРТ

2026 елның 17 июнендә Татарстан Республикасы Мәгарифне үстерү институты сәламәтлек мөмкинлекләре чикле затларны укытуны оештыруның актуаль мәсьәләләре буенча  «Инклюзив белем бирү шартларында сәламәтлек мөмкинлекләре чикле укучыларны социальләштерүнең заманча методикалары һәм аларга психологик-педагогик ярдәм күрсәтү» республикакүләм вебинары үткәрде (муниципаль районнар һәм ресурс үзәкләре методик хезмәтләре өчен).

#ИРОРТ

2026 елның 16 июнендә Татарстан Республикасы Мәгарифне үстерү институтында чит ил гражданнары балаларын укыту, социаль, тел һәм мәдәни адаптацияләү процессларын тәэмин итү чаралары циклы кысаларында «Мәгариф оешмасында мигрант балаларны гибрид укыту» республикакүләм фәнни-гамәли вебинары узды.
#ИРОРТ

Татарстан Республикасы Мәгарифне үстерү институтының уку залында «Юл хәрәкәте иминлеге» ДБУ һәм «Татарстан Республикасы Фәннәр Академиясенең тормыш иминлеге фәнни үзәге» аерымланган структур бүлекчәсеннән бүләк итеп алынган рус һәм татар телләрендәге әдәбият күргәзмәсе уза.
#ИРОРТ

2026 елның 11 июнендә Татарстан Республикасы Мәгарифне үстерү институты «Хокук бозуларны профилактикалау: заман таләпләре һәм чишелешләр» республикакүләм вебинарын үткәрде. Вебинар эшендә Татарстан Республикасының 690 педагогы катнашты.
#ИРОРТ

2026 елның 10 июнендә «Ачык класс» проекты кысаларында «Мәгарифтә финанс культурасы: икътисадның киләчәген төзибез» дигән вебинар узды. Вебинар эшендә Татарстан Республикасының 366 педагогы катнашты.
#ИРОРТ