• Русский
  • Татарча

Анонсы и Новости

Татарстан Республикасы гомуми белем бирү оешмаларының укыту эшләре буенча директор урынбасарларын укыту тәмамланды

20 март, 2020 - 17:22

2020 елның 02 мартыннан 18 мартына кадәр ТР Мәгарифне үстерү институтының Белем бирү белән идарә итү теориясе һәм практикасы кафедрасы тарафыннан Татарстан Республикасы гомуми белем бирү оешмаларының укыту эшләре буенча директор урынбасарларына «Белем бирү оешмасында белем бирүнең сыйфатын бәяләү системасы: методологик һәм технологик инструментарийлар» өстәмә һөнәри программа буенча укыту үткәрелде.

«Легион» нәшриятының яңа укыту-методик әдәбияты күргәзмәсе

20 март, 2020 - 17:00


Китапханә-мәгълүмат бүлегенең уку залында "Легион" нәшриятының 2020 елда дөнья күргән яңа әдәбият күргәзмәсе уза.

Мәктәп предметлары буенча ВПР га әзерлек өчен укыту-методик әсбаплар, шулай ук БДИга әзерлек өчен инглиз теленнән әзерлек дәфтәре, «Письмо» бүлеге тәкъдим ителде.

«Легион» нәшриятының күргәзмәдә тәкъдим ителгән яңа әдәбияты исемлеге.

Татарстан Республикасы мәктәпләрендә дистанцион белем бирүне оештыру өчен «Ачык мәктәп» платформасы

20 март, 2020 - 16:08

Татарстан Республикасында махсус санитар-эпидемиологик режим кертелүгә һәм республика мәктәпләрендә дистанцион белем бирүне оештыруга бәйле рәвештә, ТР Мәгарифне үстерү институтының «Ачык мәктәп 2035» ресурс үзәге (алга таба - Үзәк) укучылар белән дистанцион дәресләр уздырганда педагогларга https://2035school.ru адресы буенча яңа форматтагы мәктәп дәресләре булган «Ачык мәктәп» онлайн-платформа (алга таба - Платформа) материалларын кулланырга киңәш итә.

Яндекс.Дәреслек - дистанцион укыту

19 март, 2020 - 16:36

Хөрмәтле коллегалар!

Короновирус аркасында карантин кертелү сәбәпле, Яндекс вебинарлар челтәрен яңартты (хатка беркетелгән) һәм аларда Яндекс.Дәреслек ярдәмендә дистанцион белем бирүне оештыру буенча вебинарлар өстәде. Шулай ук, төбәк соравы буенча вебинарларны конкрет дата һәм вакытта уздырырга мөмкин.

Мәктәпкәчә белем бирү учреждениеләре педагогларын билингвизм шартларында мәктәпкәчә яшьтәге балаларга тел өйрәтү буенча укыту тәмамланды

18 март, 2020 - 22:56


Татарстан Республикасы муниципаль районнары мәктәпкәчә белем бирү учреждениеләреннән 29 кеше 72 сәгать күләмендә ТР Мәгарифне үстерү институтында дистанцион һәм көндезге формаларда белем алды (кураторы - Мифтахетдинова Н.Р.). Курстагы чаралар кысаларында лекцияләр, «Рус телен өйрәнәбез», «Татар телендә сөйләшәбез», «Туган телдә сөйләшәбез» УМКларын тормышка ашыру процессын проектлау, балалар бакчаларында тел һәм үсеш предмет-пространство тирәлеген булдыру буенча гамәли дәресләр оештырылды. Шәхси һәм һөнәри компетенцияләрне формалаштыру һәм үстерү буенча практик дәресләр тренинглар һәм эшлекле уеннар рәвешендә үткәрелде.

А.М. Бутлеров исемендәге I республика фәнни-гамәли конференциясе

18 март, 2020 - 22:20


«Татарстан Республикасы Мәгарифне үстерү институты» дәүләт автоном мәгариф учреждениесе 2020 елның 14 мартында Казан шәһәре Яңа Савин районының 177 нче лицей базасында рус химихы, рус химикларының «Бутлеров мәктәбе»нә нигез салучы, органик матдәләрнең химик төзелеше теориясен булдыручы А.М. Бутлеровка багышланган конференция үткәрде.

Игътибар! «Неокнига» II Республика фәнни-гамәли конференциясенең финал турына узган катнашучылар исемлеге

18 март, 2020 - 14:37


Хөрмәтле «Неокнига» II Республика фәнни-гамәли конференциясендә катнашучылар!

Конференциянең финал турына узган катнашучылар исемлеген тәкъдим итәбез. Игътибар итегез, конференциянең Нигезләмәсе нигезендә кайбер эшләр башка секцияләргә күчерелде.

Төбәкара конференция: «Хәзерге заман мәгарифе шартларында яшь белгечләрне һөнәри социальләштерү механизмы буларак, мәктәп белән вузның үзара хезмәттәшлеге». «РОСНАНО мәктәп лигасы» проекты ресурсларыннан эффектив файдалану» түгәрәк өстәле

16 март, 2020 - 15:55


2020 елның 13 мартында Буа шәһәренең 2 нче лицее базасында «Хәзерге заман мәгарифе шартларында яшь белгечләрне һөнәри социальләштерү механизмы буларак, мәктәп белән вузның үзара хезмәттәшлеге» темасына төбәкара конференция үткәрелде. Конференция кысаларында табигый фәнни белем сыйфатын күтәрүдә «РОСНАНО мәктәп лигасы» проекты ресурсларын эффектив файдалану» зональ түгәрәк өстәле оештырылды.

«Халык костюмы» авторлык остаханәсендә катнашырга чакырабыз

13 март, 2020 - 15:44


«Традицион культура һәм мәгариф пространствосы» федераль инновацион мәйданчыгының мәгариф проектын гамәлгә ашыру кысаларында 2020 елның 28 апрелендә «Татарстан Республикасы Мәгарифне үстерү институты» өстәмә һөнәри белем бирү дәүләт мәгариф учреждениесе «Халык костюмы» авторлык остаханәсен уздыра.

Татарстан Республикасы Мәгарифне үстерү институты «Француз теле. Икенче чит тел» кабаттан һөнәри әзерлек өстәмә һөнәри программасы буенча тыңлаучылар җыю турынла игълан итә.

13 март, 2020 - 12:00

Хөрмәтле укытучылар!

Татарстан Республикасы Мәгарифне үстерү институты «Француз теле. Икенче чит тел» кабаттан һөнәри әзерлек өстәмә һөнәри программасы буенча тыңлаучылар җыю турында игълан итә. Укулар практик юнәлештәге характерда булачак. Курсларны уңышлы тәмамлаган тыңлаучылар кабаттан һөнәри әзерлек үтү турында дәүләт үрнәгендәге диплом алачаклар.

Pages