2026 елның 8 июненнән 18 июньгә кадәр Татарстан Республикасы Мәгарифне үстерү институтының мәктәпкәчә һәм башлангыч гомуми белем бирү кафедрасы тарафыннан «Мәктәпкәчә белем бирү учредениесендә полилингваль белем бирүне оештыру өчен заманча алымнар» квалификация күтәрү программасы гамәлгә ашырылды (кураторы Р.И. Латыйпова).
Уку барышында балалар бакчаларында нәтиҗәле билингваль мохит булдыруның норматив-хокукый аспектлары, сәламәтлек мөмкинлекләре чикле балалар белән эшләүнең психологик-педагогик нигезләре, шулай ук тәрбияченең цифрлы технологияләрне гамәлгә кертү, телләргә өйрәтүнең яңа методлары, ата-аналар белән үзара хезмәттәшлекне оештыру һәм мохит сыйфатына мониторинг үткәрү буенча гамәли инструментлары каралды.
Квалификация күтәрү программасында Казан шәһәренең балалар бакчалары базасында стажировкаларга аерым урын бирелгән. Казан шәһәре Мәскәү районының «Катнаш төрдәге 291 нче балалар бакчасы» МБМББУ педагогик коллективы полилингваль мохит шартларында балаларның тел үсешен оештыру тәҗрибәсен – төрле телләр һәм мәдәниятләрне интеграцияләү аша милли традицияләргә хөрмәт формалаштыру буенча авторлык методикаларын һәм уникаль эшләнмәләрне тәкъдим итте.
Казан шәһәре Киров районының «Катнаш төрдәге татар телендә тәрбия һәм белем бирелә торган 134 нче балалар бакчасы» МБМББУда стажировка мәктәпкәчә яшьтәге балаларга полилингваль белем бирү моделен гамәлгә ашыру тәҗрибәсенә багышлана. Педагоглар тыңлаучылар өчен «Виммельбух» инновацион технологиясе буенча мастер-класс үткәрделәр, ул бәйләнешле сөйләмне үстерү, сүзлек запасын баету һәм ике телдә танып белү активлыгын стимуллаштыру өчен актив кулланыла. Шулай ук заманча уен җиһазларын кулланып, Лего-конструкция буенча мастер-класс оештырылды, анда конструктив эшчәнлек аша балаларның инженерлык фикерләвен һәм коммуникатив күнекмәләрен полилингваль контекстта ничек үстерергә мөмкин булуын күрсәттеләр. Бакча коллективы ата-аналар белән үзара хезмәттәшлекнең нәтиҗәле формаларын күрсәтте: уртак проектлар, ата-аналар клублары, ачык ишекләр көне һәм балаларны татар һәм рус телләрен өйрәнүгә җәлеп итүгә юнәлдерелгән мастер-класслар. Белем бирү процессында интерактив дәресләр үткәрү өчен кулланыла торган цифрлы ресурслар һәм мультимедиа материаллары тәкъдим ителде.
Укытуның соңгы этабы проектларны яклаудан гыйбарәт иде, анда педагоглар үзләштерелгән компетенцияләрне: полилингваль үсеш мохитен проектлау, заманча уен һәм цифрлы технологияләрне куллану, ата-аналар белән эшне оештыру осталыгын күрсәттеләр.
Тыңлаучылар уку материалларының гамәли әһәмиятен, квалификация күтәрүне оештыруның югары дәрәҗәсен һәм хезмәттәшләренең үз тәҗрибәләрен таратуда ихлас күңелдән ачык булуларын билгеләп үттеләр.
#ИРОРТ
