• Русский
  • Татарча

Анонслар һәм яңалыклар

“Сәлам!” УМКсын кулланып туган телгә өйрәтү буенча проблемалы мәсьәләләр” темасына республикакүләм түгәрәк өстәл

22 апрель, 2019 - 08:45

18 апрельдә Казан шәһәре Авиатөзелеш районының аерым фәннәрне тирәнтен өйрәтә торган 33 нче урта гомумбелем мәктәбе базасында Татарстан Республикасы Мәгариф һәм фән министрлыгы һәм Татарстан Республикасы Мәгарифне үстерү институты ТР Мәгарифне үстерү институтының 2019 елгы Дәүләт биременә тәңгәл китереп, “Сәлам!” УМКсын кулланып туган телгә өйрәтү буенча проблемалы мәсьләләр” темасына республикакүләм түгәрәк өстәл үткәрде.

“Минем һөнәрем – остаз” Төбәкара конкурсы

19 апрель, 2019 - 13:17

Татарстан Республикасы Мәгарифне үстерү институты “Минем һөнәрем – остаз” Төбәкара конкурсы башлануы турында игълан итә.
Конурсның төп максаты – педагог-остазларның һөнәри осталыгын арттыру, талантлы педагог-остазларның инновацияле идеяләрен популярлаштыру һәм тарату, мәгариф учреждениеләренең педагогик һәм җитәкче кадрларының иҗади башлангычларына ярдәм итү.

Мәгарифтә санлаштыру проблемалары турында педагогик форумда фикер алышачаклар

19 апрель, 2019 - 13:11

23 апрельдә Татарстан Республикасында «Digital – белем бирү пространствосының яңа философиясе” форумы узачак. Анда санлы дидактиканың түбәндәге әйдәп баручы экспертлары катнаша: Россия халык хуҗалыгы һәм дәүләт хезмәте академиясе Федераль мәгарифне үстерү институтының Һөнәри белем бирү һәм квалификацияләр системасы үзәге директоры, педагогика фәннәре докторы, профессор Блинов В.И. һәм Россия мәгариф академисяе мөхбир-әгъзасы, педагогика фәннәре докторы, “Мобиль электрон системалар” ҖЧҖ генераль директоры Кондаков А.М.

Яшь педагогларның “Педагогик олимпиада” һөнәри осталык конкурсы

18 апрель, 2019 - 15:24

2019 елның 17 апрелендә Татарстан Республикасы Мәгарифне үстерү институты Яшь педагоглар советы белән берлектә, Казан шәһәре Совет районының 108 нче гомумбелем мәктәбе базасында Казан шәһәре мәгариф оешмаларының яшь педагоглары арасында “Педагогик олимпиада” дип исемләнгән һөнәри осталык конкурсы уздырды. Чара Россия Федерациясе Мәгариф министрлыгының “Укытучы 2.0” федераль инновацияле мәйданчыгы кысаларында оештырылды. Конкурсның инновациялелеге ярышларның индивидуаль формасыннан командалар арасындагы бәйгегә алыштырудан гыйбарәт иде.

“Мәгариф оешмасында белем бирүнең сыйфатын бәяләү системасы: методологик һәм технологик чаралар” белем күтәрү программасын гамәлгә ашыру тәмамланды

17 апрель, 2019 - 14:53

2019 елның 5 апрелендә Татарстан Республикасы мәгариф оешмалары җитәкчеләре урынбасарлары өчен “Мәгариф оешмасында белем бирүнең сыйфатын бәяләү системасы: методологик һәм технологик чаралар” темасына белем күтәрүнең өстәмә һөнәри программасы буенча көндезге уку модулен гамәлгә ашыру тәмамланды. Аның күләме – 108 сәгать иде.

«Мәгариф учреждениеләрендә көч куллануга һәм кибербуллингка каршы ничек көрәшергә” онлайн курсы

17 апрель, 2019 - 12:02

ЮНЕСКОның мәгълүмати технологияләр буенча институты (ИИТО ЮНЕСКО) «Мәгариф учреждениеләрендә көч куллануга һәм кибербуллингка каршы ничек көрәшергә” онлайн курсына чакыра. Курсның күләме – 72 академик сәгать. Укыту уңайлы вакытта уза, курс материалларыннан тәүлек әйләнәсе куллану мөмкинлеге бар. Укыту бушлай. Курсны тәмамлаганнан һәм курсның барлык программасын үтәгәннән соң, тыңлаучылар ЮНЕСКО ИИТО электрон сертификатын түләүсез алачак.

«Мәктәпкәчә белем бирүнең вариатив программаларында МБ ФДББСын гамәлгә ашыру” темасы буенча түгәрәк өстәл

16 апрель, 2019 - 13:30

2019 елның 12 апрелендә ТР Мәгарифне үстерү институтының мәктәпкәчә һәм башлангыч белем кафедрасы Дәүләт биремен үтәү кысаларында «Мәктәпкәчә белем бирүнең вариатив программаларында МБ ФДББСын гамәлгә ашыру” темасы буенча түгәрәк өстәл үткәрде. Чара Питрәч районының Ленино-Кокушкино авылындагы “Чишмәкәй” балалар бакчасы базасында үтте. Түгәрәк өстәлдә Татарстан Республикасының мәктәпкәчә белем бирү оешмаларыннан 50 педагог катнашты.

Мәктәп укучыларының Л.Н. Толстой исемендәге XVII республика фәнни-гамәли конференциясе

15 апрель, 2019 - 16:35

2019 елның 20 апрелендә мәктәп укучыларының Л.Н. Толстой исемендәге XVII республика фәнни-гамәли конференциясе узачак.

Үткәрү урыны: Казан шәһәре Яңа Савин районының 7 нче гимназиясе.

Башлана: 10.00. сәгатьтә.

Мәктәпкәчә белем бирү оешмалары педагогларын билингвизм шартларында мәктәпкәчә яшьтәге балаларны телгә өйрәтү буенча укыту тәмамланды

11 апрель, 2019 - 16:30

Республикабыз муниципаль районнарыннан 30 кешенең Татарстан Республикасы Мәгарифне үстерү институтында 72 сәгать күләмендә ерактан торып һәм турыдан-туры укулары үтте (кураторы – Мифтахетдинова Н.Р.). Курслар чаралары кысаларында лекцияләр, белем бирү процессын проектлау, “Рус телен өйрәнәбез”, “Татарча сөйләшәбез”, “Туган телдә сөйләшәбез” инновацияле УМКларын гамәлгә ашыру буенча һәм мәктәпкәчә яшьтәге белем бирү учреждениесендә тел һәм үстерешле предмет-пространстволы мохит булдыруга кагылышлы практик дәресләр оештырылды. Шәхескә бәйле һәм һөнәри компетенцияләр формалаштыру һәм үстерү буенча практик дәресләр тренинглар һәм эшлекле уеннар формасында үткәрелде. Мәктәпкәчә белем баскычында белем бирү процессын УМКны исәпкә алып проектлаштыру буенча стажировкалар Казан шәһәре Мәскәү районының 105 нче балалар бакчасында һәм Биектау районының “Сандугач” балалар бакчасында оештырылды. Стажировка программалары тыңлаучыларның категориясен һәм эш тәҗрибәсен исәпкә алып эшләнде.

Башлангыч сыйныф укытучыларының республика семинары

11 апрель, 2019 - 12:09

2019 елның 5 апрелендә Казан шәһәре Авиатөзелеш районының аерым фәннәр тирәнтен өйрәнелә торган 54 нче урта гомумбелем бирү мәктәбе базасында Татарстан Республикасы Мәгарифне үстерү институтының мәктәпкәчә һәм башлангыч белем кафедрасы тарафыннан башлангыч сыйныф укытучыларының семинары оештырылды һәм үткәрелде. Семинарның темасы: “Башлангыч гомуми белем баскычында укучыларның белем бирү нәтиҗәләренә контрольлек итү һәм бәяләү”. Программаның кураторы – мәктәпкәчә һәм башлангыч гомуми белем кафедрасы доценты Җамалетдинова З.И.

Pages