ПедагогОстазЕлы

2023 елның 20 ноябрендә Татарстан Республикасы Мәгарифне үстерү институты Психология һәм инклюзив белем бирү кафедрасы тарафыннан дәүләт йөкләмәсен гамәлгә ашыру кысаларында «Дислексия, дисграфия, дизорфография: балаларга ярдәм итүнең нәтиҗәле стратегияләре» республика семинары оештырылды һәм үткәрелде. Семинар эшендә Татарстан Республикасы муниципаль берәмлекләреннән 55 педагог катнашты.

2023 елның 16 ноябрендә Татарстан Республикасы Мәгарифне үстерү институты Мәктәпкәчә һәм башлангыч гомуми белем бирү кафедрасы Татарстан Республикасы мәктәпкәчә белем бирү оешмаларының җитәкче һәм педагогик хезмәткәрләре катнашында «Мәктәпкәчә белем бирү: тәрбиянең актуаль мәсьәләләре» дип аталган түгәрәк өстәл үткәрде. Мәктәпкәчә һәм башлангыч гомуми белем бирү кафедрасы доцентлары С.Н. Башинова һәм Р. И. Латыйпова чараның модераторлары булды.

2023 елның 14 ноябрендә «Мәктәп укучылары белән һөнәри юнәлеш бирү чаралары үткәрү» темасына вебинар узды.
Укыту-методик эш буенча проректор Хохлов Александр Викторович вебинарда катнашучыларга сәламләү сүзендә сыйныф җитәкчесенең мәктәп укучылары белән һөнәри юнәлеш бирү эшен планлаштыруда һәм үткәрүдә мөһим ролен билгеләп үтте.
Александр Викторович үз чыгышында аңлатканча, һөнәри юнәлеш бирү Татарстан Республикасының кадрлар потенциалын тәэмин итүне максат итеп куя.

2023 елның 26 сентябреннән 14 ноябренә кадәр Татарстан Республикасы Мәгарифне үстерү институты Мәктәпкәчә һәм башлангыч гомуми белем бирү кафедрасы тарафыннан ТР шәһәрләре һәм районнары муниципаль берәмлекләре башкарма комитетларының мәгариф бүлекләренең (идарәләренең) методистларын,  башлангыч сыйныф укытучылары район методик берләшмәләр җитәкчеләрен «Башлангыч гомуми белем бирүнең федераль белем бирү программасын гамәлгә кертү шартларында педагогны методик тәэмин итүне оештыру» программасы буенча укыту оештырылды (куратор – Хәмитова Г.Р.).

Татарстан Республикасы Мәгариф һәм фән министрлыгы боерыгын үтәү максатында (2023 елның 17 апрелендәге  под-806/23 номерлы «Л. Н.Толстой исемендәге укучыларның XXI Республика фәнни-гамәли конференциясен үткәрү турында») Татарстан Республикасы Мәгарифне үстерү институты 2023 елның 10 ноябрендә Казан шәһәре Яңа Савин районының Россия Герое А. В. Козин исемендәге 7 нче гимназиясе базасында укучыларның фәнни-гамәли конференциясен үткәрә.

2023 елның 23 октябреннән 3 ноябренә кадәр Татарстан Республикасы Мәгарифне үстерү институтында «Музыка коралларында уйнауны укытуның методик аспектлары: системалы алым» өстәмә һөнәри программасы буенча квалификация күтәрү курслары уңышлы уздырылды (куратор – әйдәп баручы фәнни хезмәткәр, педагогика фәннәре кандидаты Г.Р. Мортазина).

«Хәзерге заман мәгарифе: актуаль мәсьәләләр һәм инновацияләр» электрон фәнни-методик журналының 2023 елга 3 нче саны басылып чыкты. Мәкаләләр белән сайтта танышырга мөмкин: http://irortsmi.ru/ 

Безнең басма белән даими кызыксынуыгыз өчен рәхмәтебезне белдерәбез һәм журналның киләсе санында үз материалларыгызны бастырырга чакырабыз!

31 октябрьдә Татарстан Республикасы Мәгарифне үстерү институты белгечләре Советлар Союзы Герое Б.К. Кузнецов исемендәге Казан кадет мәктәп-интернаты педагогик командасы өчен проблемалы сессия үткәрделәр.

2023 елның 25 октябрендә Алабуга муниципаль районының «Золотой ключик» 38 нче балалар бакчасы базасында «Конструктив үзара эш итү ысулы буларак остазлык: педагог-педагогка» темасына республика семинары узды.
Семинарда методистлар, мәгариф белән идарә итү органнары (бүлекләре) белгечләре, Татарстан Республикасы мәктәпкәчә белем бирү оешмалары җитәкчеләре катнашты.

2023 елның 25 октябрендә Татарстан Республикасы Мәгарифне үстерү институтының дәүләт йөкләмәсе нигезендә Татарстан Республикасы Мәгарифне үстерү институты Мәктәпкәчә һәм башлангыч гомуми белем бирү кафедрасы тарафыннан «Кече мәктәп укучысының шәхесен үстерүдә цифрлы кораллар» семинары үткәрелде (чара кураторы: Мәктәпкәчә һәм башлангыч гомуми белем бирү кафедрасы өлкән укытучысы Сәгъдиева Илсөя Тәлгать кызы).