«Педагогның һөнәри эшчәнлегендә ясалма интеллект инструментлары: планлаштырудан — укучылар белән түгәрәк эшенә кадәр» квалификация күтәрү модульле программасын гамәлгә ашыру кысаларында Казан шәһәренең педагогик хезмәткәрләре өчен күчмә практик дәресләр сериясе старт алды.
2026 елның 19 маенда бер төркем тыңлаучылар ике мәйданчыкта: «Иннополис мәктәбе» ДАББУ һәм Казан шәһәренең Мәскәү районындагы «64 нче мәктәп»тә стажировка үттеләр. Дәресләр форматы семинар чыгышлары, дискуссияләр һәм кече төркемнәрдә интенсив практик эш алып баруны күздә тотты.
«ЯИ чорында аңлы педагог: цифрлы иминлек практикасы» һәм «Программадан нәтиҗәгә кадәр: белем бирү оешмасында ЯИ түгәрәген эшләтеп җибәрү» темаларына «Татарстан Республикасы Мәгарифне үстерү институты» өстәмә һөнәри белем бирү дәүләт автоном мәгариф учреждениесе белгечләре ачу семинарлары үткәрде. Сессияләр барышында цифрлы трансформация шартларында педагогның һөнәри сәламәтлеген саклау стратегияләре каралды, шулай ук укучыларның яшь үзенчәлекләрен һәм белем бирү оешмасының ресурс мөмкинлекләрен исәпкә алып, ясалма интеллект түгәрәкләрен проектлау һәм эшләтеп җибәрү алгоритмнары тәкъдим ителде.
Алга таба дәресләр «ДиректориУм» проекты экспертлары катнашында дәвам итте. «ЯИ чорында мәгариф: мәктәп бүген үк нәрсәгә өйрәнергә тиеш», «ЯИ чорында педагог: инструментларны кулланучыдан белем бирү тәҗрибәсе архитекторына кадәр» һәм «ЯИ инструментларын кулланып проект эшчәнлеге» темалары буенча гамәли модульләрне Иннополис мәктәбе командасы вәкилләре — Ежов С.К., Корнилов Л.А., Әхмәтшин А.А., шулай ук Әлмәт шәһәренең «Креатив индустрияләр мәктәпләре» МБББУ директоры Пиянзин Н. Д., Татарстан Республикасы Теләче муниципаль районының «Олы Мишә урта гомуми белем бирү мәктәбе» МБББУ директоры И.И. Хәмидуллин белән берлектә үткәрделәр.
Интерактив воркшоплар форматында тыңлаучылар уку процессына ЯИ-инструментлар кертү кейсларын эшләделәр, укучылар өчен проект бурычларының прототипларын булдырдылар һәм алган белемнәрен үзләренең белем бирү оешмалары үзенчәлегенә яраклаштырдылар. Промт-инжиниринг күнекмәләрен эшкәртүгә аерым игътибар бирелде: педагоглар генератив нейрочелтәрләр өчен нәтиҗәле сорауларны формалаштыру күнекмәләрен ныгыттылар һәм персональләштерелгән методик материаллар — дәрес сценарийлары, дидактик карточкалар, визуаль контент һәм бәяләү инструментлары булдырырга өйрәнделәр.
Дәрес йомгаклары буенча барлык тыңлаучылар ясалма интеллектны куллану өлкәсендә һөнәри компетенцияләр дәрәҗәсенең артуын расладылар, кулланылышка әзер методик эшләнмәләр алдылар һәм үзләренең педагогик эшчәнлекләренә ЯИ-практикаларны кертүнең индивидуаль планнарын төзеделәр.
Практик сессияләр дәвам итә: якын арада дәресләр Татарстан Республикасы муниципаль районнарының мәгариф оешмалары базасында үткәреләчәк. Исегезгә төшерәбез, программаның йомгаклау модульләре 2026 елның августына Иннополис Университеты һәм Казан шәһәренең 21 гасыр мәктәбе базасында планлаштырылган.
