Халыкара мәктәпкәчә белем бирү академиясе белән хезмәттәшлек турында килешү кысаларында Татарстан Республикасы Мәгарифне үстерү институты Мәктәпкәчә һәм башлангыч гомуми белем бирү кафедрасы 2022 елның 25 маенда «Хәзерге заман мәктәпкәчә белем бирүнең үсеш векторлары. Инновацияләр территориясе» халыкара фәнни-гамәли конференциясен үткәрде. Чарада ТР Биектау муниципаль районы балалар бакчалары җитәкчеләре һәм педагоглары катнашты.
Чараның максаты - «ТУГАННАН АЛЫП МӘКТӘПКӘ КАДӘР» мәктәпкәчә белем бирү инновацион программасының төп методологик принциплары һәм балалар тормышка ашыру киңлегенең ресурс мөмкинлекләре белән танышу. Анда һөнәри берләшмә белгечләре: тәрбиячеләр, педагоглар, экспертлар, мәгариф органнары вәкилләре, иҗтимагый оешмалар, ата-аналар җәмәгатьчелеге, массакүләм мәгълүмат чаралары вәкилләре чакырылган иде.
Чараның спикерлары:
- Халыкара мәктәпкәчә белем бирү академиясе ректоры, психология фәннәре докторы, профессор, «Хәзерге заман мәктәпкәчә белем бирү. Теория һәм практика» журналы баш мөхәррире, Гетеборг университетының мактаулы профессоры Веракса Николай Евгеньевич,
- Тарих фәннәре кандидаты, Халыкара мәктәпкәчә белем бирү академиясе проректоры, Россия муниципаль академиясе академигы Комарова Ирина Ильинична.
- Татарстан Республикасы Мәгарифне үстерү институты Мәктәпкәчә һәм башлангыч гомуми белем бирү кафедрасы доценты, педагогика фәннәре кандидаты Латыйпова Рәсилә Илдус кызы.
Әңгәмә барышында спикерлар мәктәпкәчә яшьтәге балаларны тәрбияләү һәм үстерү өлкәсендә фәнни тикшеренүләрнең нәтиҗәләрен тәкъдим иттеләр, заманча мәктәпкәчә белем бирү трендларын билгеләделәр.
Аудиториядә «ТУГАННАН АЛЫП МӘКТӘПКӘ КАДӘР» программасы буенча укыту-методик комплектларына күзәтү зур кызыксыну уятты. Катнашучылар программаның универсальлеген, аның һөнәри һәм ата-аналар берләшмәсе таләпләренә җайлашуын, даими камилләшүен һәм яңа фикерләр белән тулылануын билгеләп үттеләр. Чарада чыгыш ясаган Халыкара мәктәпкәчә белем бирү академиясе һәм Татарстан Республикасы Мәгарифне үстерү институты галимнәре эксперт компетенцияләренең югары дәрәҗәсен күрсәттеләр, кыйммәтле киңәшләр һәм тәкъдимнәрен бирделәр, эчтәлекле гамәли чыгышлар тәкъдим иттеләр.
Әлеге Һөнәри сөйләшү педагогларның үсешенә һәм һөнәри мәнфәгатьләр берләшүенә этәргеч булыр дип өметләнәбез.
