2021 елның 11-26 нчы февралендә «Татарстан Республикасы Мәгарифне үстерү институты» өстәмә һөнәри белем бирү дәүләт автоном белем бирү учреждениесенең социаль-гуманитар дисциплиналар кафедрасы тарафыннан «Тарих-җәмгыять фәннәрен өйрәнүнең белем бирү нәтиҗәләрен бәяләүнең методологик һәм гамәли аспектлары»темасы буенча өстәмә һөнәри белем бирү программасы тормышка ашырылды. Татарстан Республикасының 14 муниципаль районыннан һәм Казан шәһәреннән 24 тарих һәм җәмгыять белеме укытучысы белем алды. Дистанцион укытуның заманча технологияләре тулы сыйфатлы уку эшчәнлеген тормышка ашырырга мөмкинлек бирде һәм, бер үк вакытта, ерак районнардан тыңлаучылар җәлеп итү хисабына традицион максатчан аудиторияне киңәйтергә ярдәм итте.
Әлеге теманың актуальлеге тарих һәм җәмгыять белеме укытучылары җилкәсенә беренче чиратта Россия милли тәңгәллеген тәрбияләү, укучыларның функциональ грамоталылыгын арттыру, XXI гасыр глобаль чакыруларга каршы тору һәм хәзерге заманның башка проблемалары төшүе белән бәйле. Программаны үзләштерү нәтиҗәсендә тыңлаучылар һөнәри компетентлык өлкәсендә компетенцияләрне камилләштерделәр, укучыларның мәгълүмати грамоталылыгын формалаштыруга юнәлдерелгән иҗтимагый мәгълүматны верификацияләү һәм интерпретацияләү буенча кирәкле күнекмәләр үзләштерделәр. Курсларны әзерләү барышында тыңлаучылар онлайн стажировка форматында Әлмәт шәһәренең 2 нче лицее тарих һәм җәмгыять белеме укытучыларының педагогик тәҗрибәсе белән, шулай ук республика педагогларының виртуаль стажировка мәйданчыгында инновацион белем бирү практикалары белән таныштылар.
Квалификацияне күтәрүгә йомгак ясаганда укытучылар кафедраның профессор-укытучылар составы профессиональлегенең югары дәрәҗәдә булуын, барлык эчтәлектәге практик-юнәлешле характерны, яхшы оештырылган уку процессын билгеләп үттеләр. Тыңлаучылар һөнәри компетенцияләрне камилләштерү, уку-укыту эшчәнлеген алып бару өчен уңай шартлар тудыру мөмкинлеге алган өчен рәхмәт белдерделәр.