2020 елның 22 маенда Татарстан Республикасы Мәгарифне үстерү институты тарафыннан белем бирү нәтиҗәләре түбән һәм уңайсыз социаль шартларда эшләүче мәктәпләрдә белем бирүнең сыйфатын күтәрүгә юнәлдерелгән чараларны, 2020 елда "Мәгарифне үстерү" Россия Федерациясе дәүләт программасын гамәлгә ашыру кысаларында, ТР Чистай муниципаль районы "Красноярск төп гомуми белем бирү мәктәбе" муниципаль бюджет мәгариф учреждениесе, Советлар Союзы Герое Кузьмин Сергей Евдокимович исемендәге Чистай кадет интернат-мәктәбе" дәүләт бюджет мәгариф учреждениесе, Чистай муниципаль районы "Лучовская СОШ" муниципаль бюджет мәгариф учреждениесе белән берлектә семинар-практикум (вебинар) уздырылды. Вебинарда Бөгелмә муниципаль районының Советлар Союзы Герое Газинур Гафиятуллин исемендәге Бөгелмә кадетлар интернат-мәктәбе, Бөгелмә муниципаль районының 13 нче урта мәктәбе катнашты.
Вебинарда 80 педагог, шул исәптән мәгариф оешмалары администрациясе катнашты.
Тема буенча төп докладны тәрбия, өстәмә белем бирү һәм социаль тәртипне профилактикалау лабораториясенең фәнни хезмәткәре Э.Х. Башлай ясады.
Эльвира Хәмзиевна үз чыгышында гаилә белән мөнәсәбәтләренең педагог эшендә актуаль һәм катлаулы проблемаларның берсе булуын билгеләп үтте. Гаиләләр бик төрле, һәркайсының үз проблемалары һәм кыенлыклары бар, шуңа күрә күп нәрсә педагогның осталыгына бәйле, ул конкрет ситуациядә ата-аналар һәм бала белән үзара бәйләнеш ысулларын сайлаганда кирәкле карар кабул итү өчен төрле шартлар комплексын анализларга тиеш. Кызганычка каршы, ата-аналар мәктәп белән хезмәттәшлек итүдә һәрвакыт активлык күрсәтмиләр. Әти-әниләрнең пассивлыгы - ул яисә кызыксынмау күрсәткече, яисә чара үткәрү формасының фикер алышуда актив катнашырга кызыксындырырлык булмавы. Гаилә белән аралашуның шундый формаларын һәм ысулларын кертергә кирәк ки, алар әниләр һәм әтиләрне балалар проблемаларын хәл итүнең актив катнашучылары була алсын.
Шулай ук Эльвира Хәмзиевна гомуми ата-аналар җыелышларында аерым бала һәм конкрет гаилә проблемалары турында фикер алышмаска киңәш итте. Ата-аналар җыелышы ата-аналарга белем бирергә, балаларның укудагы хаталарын һәм уңышсызлыкларын шәрехләргә түгел, ә теоретик һәм практик характерда: ситуацияләрне тикшерү, тренинглар, дискуссияләр формасында булырга тиеш. Ата-аналарга мәктәп һәм гаиләнең проблемалары бер, бурычлары бер булуын аңлатырга, ата-аналарны аңларга тырышырга, үз-үзләрен алар урынына куярга тырышуларын күрсәтү мөһим.
Вебинарны тыңлаучылар эчтәлекле һәм файдалы чыгыш ясаулары, ә иң мөһиме – мәктәпнең тәрбия системасына җиңел кертү тәкъдимнәренең гамәли юнәлеше өчен рәхмәт белдерделәр.
![]() |
![]() |
---|