Анонслар һәм яңалыклар

2019 елның 19 декабре көнне «Татарстан Республикасы Мәгарифне үстерү институты» өстәмә һөнәри белем бирү дәүләт автоном белем бирү учреждениесенең мәктәпкәчә һәм башлангыч урта гомуми белем бирү белән татар теле һәм әдәбияты кафедралары Казан шәһәре Совет районының «8 нче гимназия – Мәгариф үзәге» базасында 4-5 классларда «Сәлам!» укыту-методик комплексы белән эшләүче татар теле һәм әдәбияты укытучылары өчен «"Сәлам!" укыту-методик комплексын кулланып рус телле 4-5 сыйныф укучыларына татар телен укыту үзенчәлекләре» дип исемләнгән шәһәр семинарын үткәрделәр.

Бергәләп эшли белгән һәм үз эшләрендә заманча тәҗрибәләр кулланырга әзер укытучылар командаларына ярдәм итү һәм аларны таныту буенча бөтенроссия конкурсы.
Конкурста чикләүләр юк: анда тәҗрибәле педагоглар да, стажлары зур булмаучылар да катнаша ала. Командаларга берләшергә һәм конкурс сынауларын башлангыч сыйныфлар, мәктәпләр, лицейлар, гимназияләр укытучылары, шул исәптән махсуслашкан, шулай ук тәрбия хезмәте педагоглары да үтәргә мөмкин.

2020 елның 24 гыйнварында Татарстан Республикасы Мәгарифне үстерү институты «Мәгариф системасында тарихи-мәдәни объект буларак халык костюмын өйрәнү» темасына түгәрәк өстәл үткәрә, аның кысаларында төрле дәрәҗә мәгариф учреждениеләренең белем бирү программаларын гамәлгә ашырганда халык костюмын өйрәнү мәсьәләләре каралачак; мәгариф һәм мәдәни-ял итү учреждениеләре практикасында халык костюмын куллану тәҗрибәсе тәкъдим ителәчәк; матди мәдәният объекты буларак халык костюмын өйрәнгәндә мәгариф системасында комплекслы якын килү принциплары эшләнеләчәк.

2019 елның 9 декабреннән 13 декабренә кадәр Татарстан Республикасы мәгарифне үстерү институты «Бүгенге шартларда мәгариф оешмасы белән идарә итү теориясе һәм практикасы (вазыйфага керешү)» өстәмә һөнәри белем бирү программасы буенча гомуми белем бирү оешмасы җитәкчесе вазыйфасына кадрлар резервын укытуны үткәрде. Укуларны 50 кеше узды.