!["Федераль дәүләт белем бирү стандартларын гамәлгә ашыру шартларында мөмкинлекләре чикләнгән укучыларга инклюзив белем бирү " квалификация күтәрү курслары](http://irort.ru/sites/default/files/styles/large/public/photoofnews/5.jpeg?itok=-ScEVSru)
2021 нче елның 15-31 нче мартында «Татарстан Республикасы Мәгарифне үстерү институты» өстәмә һөнәри белем бирү дәүләт бюджет мәгариф учреждениесенең Педагогика, психология һәм андрагогика кафедрасы тарафыннан «Федераль дәүләт белем бирү стандартларын гамәлгә ашыру шартларында сәламәтлекләре чикләнгән укучыларга инклюзив белем бирү» өстәмә һөнәри белем бирү программасы буенча курслар оештырылды һәм үткәрелде. Курслар кураторлары: К.Ш. Шәрифҗанова, педагогика фәннәре кандидаты, педагогика, психология һәм андрагогика кафедрасы мөдире һәм психология фәннәре кандидаты, педагогика, психология һәм андрагогика кафедрасы доценты И.А. Кедрова, Татарстан Республикасының 60 педагогик хезмәткәре белем алды. Программаның күләме: 72 сәгать.
Тыңлаучылар физик мөмкинлекләре чикле булган балаларның интеллектуаль җитешсезлекләре белән таныштылар, мөмкинлекләре чикләнгән балаларның инклюзив һәм интеграцияләнгән белем бирү программаларын оештыру һәм тормышка ашыру буенча теоретик һәм практик мәсьәләләрне үзләштерделәр, АООП, АОП, СИПР проектлау өлкәсендә үз компетенцияләрен камилләштерделәр. Укыту барышында мөмкинлекләре чикләнгән балалар белән коррекция-үсеш эшенең методлары һәм технологияләре белән таныштылар, белем бирү процессының матди-техник җиһазланышы, Брайль буенча кулланмалар, үсештәге төрле тайпылышлары булган балалар өчен Монтессори системасы буенча уеннар белән таныштылар.
Квалификация күтәрү курслары буенча нәтиҗәләр ясаганда, тыңлаучылар өйрәнелгән материалның практик юнәлешле булуын, профессорлар-укытучылар составының югары профессиональлеген билгеләп үттеләр.