2026 елның 21 маенда Татарстан Республикасы Мәгарифне үстерү институтында беренче һәм икенче курс аспирантлары җыелышы үткәрелде. Очрашуның төп темасы кандидатлык имтиханнарын тапшыруга әзерлек булды.
Фәнни-педагогик кадрлар әзерләү бүлеге башлыгы, филология фәннәре кандидаты Шабалина Вера Яковлевна әзерләүнең төп этаплары, документларны рәсмиләштерүгә таләпләр һәм имтиханнарны үткәрү үзенчәлекләре турында сөйләде.
Педагогика фәннәре кандидаты, доцент, институтның гыйльми сәркатибе Шәйхетдинова Галия Айрат кызы аспирантлар белән «Гомуми педагогика, педагогика һәм мәгариф тарихы» дисциплинасы буенча кандидатлык имтиханына әзерлек буенча гамәли киңәшләрен уртаклашты. Үз-үзеңне нәтиҗәле әзерләү методларына һәм типик хаталарны булдырмауга карата аерым игътибар бирелде.
Очрашу азагында аспирантлар үзләрен кызыксындырган сорауларны бирделәр һәм индивидуаль консультацияләр алдылар. Мондый җыелышлар яшь галимнәргә аттестация таләпләрен яхшырак белергә һәм имтиханнарны уңышлы тапшырырга ярдәм итә.
