«Татарстан Республикасы Мәгарифне үстерү институты» өстәмә һөнәри белем бирү дәүләт автоном мәгариф учреждениесе район, шәһәр, мәктәп методик берләшмәләре җитәкчеләре өчен «Методик берләшмәнең иң яхшы җитәкчесе – 2026» республика конкурсы (алга таба – Конкурс) башлануы турында игълан итә.
Конкурсның төп максаты – район, шәһәр һәм мәктәп, методик берләшмәләр җитәкчеләренең һөнәри статусын һәм һөнәри осталыгын күтәрү, уңышлы тәҗрибәләрне ачыклау, белем бирү процессын методик яктан тәэмин итү системасын яңарту, мәгариф оешмаларының педагогик һәм җитәкче хезмәткәрләренең иҗади инициативасын хуплау һәм бүләкләү.
Татарстан Республикасы мәгариф оешмаларының педагогик хезмәткәрләрен конкурста катнашырга чакырабыз.
Конкурста катнашу өчен 2026 елның 31 маена кадәр түбәндәге сылтама буенча анкета-гариза тутырырга кирәк: https://forms.yandex.ru/u/69d28aae84227c3013f2f0da
Конкурс турындагы нигезләмәне (PDF һәм WORD форматында) Татарстан Республикасы Мәгарифне үстерү институты өстәмә һөнәри белем бирү дәүләт мәгариф учреждениесе сайтында «Грантлар һәм конкурслар» бүлегендә күчереп алырга мөмкин.
Конкурс йомгаклары буенча һәр номинация буенча җиңүчеләр (I, II, III урыннар) һәм лауреатлар билгеләнә.
Җиңүчеләр һәм лауреатлар арасына кермәгән конкурсантларга катнашучылар сертификаты тапшырыла.
Килеп туган сораулар буенча өстәмә мәгълүматны 533-03-90 телефоны аша алырга мөмкин.
