2026 елның 3 апрелендә «Татарстан Республикасы Мәгарифне үстерү институты» өстәмә һөнәри белем бирү дәүләт мәгариф учреждениесендә «Махсус белем бирү ихтыяҗлары булган балаларны укытуда нейропсихологик технологияләр» темасына квалификация күтәрү буенча өстәмә һөнәри программа тыңлаучыларын укыту тәмамланды. Квалификация күтәрү программасы кураторы – психологик-педагогик ярдәм күрсәтү үзәге директоры Шәрифҗанова Кадрия Шәүкәт кызы.
Программа кысаларында Татарстан Республикасының 60 тан артык педагогик хезмәткәре белем алды.
Инклюзив белем бирүнең хәзерге шартларында махсус белем алу ихтыяҗы булган балалар белән эшләүгә нейропсихологик технологияләр кертү аеруча әһәмиятле була. Классик педагогик караш бу кыенлыкларны һәрвакытта да нәтиҗәле җиңеп чыгарга мөмкинлек бирми, бу исә нейрофәннәрнең һәм практик психологиянең хәзерге казанышларын белем бирү процессына интеграцияләүне таләп итә. Нейропсихологик механизмнарны өйрәнү мәктәптәге уңышсызлыкның сәбәпләрен тирәнрәк аңларга һәм мондый балаларны коррекцияләү һәм ярдәмнең фәнни нигезләнгән методларын эшләргә мөмкинлек бирә.
Укытуның гамәли әһәмияте белгечләрдә (педагогларда, психологларда, дефектологларда) белем бирү практикасында заманча нейропсихологик технологияләрне куллану буенча компетенцияләр формалаштырудан гыйбарәт. Квалификация күтәрү программасында теоретик нигезләрдән тыш, заманча мәгариф учреждениесе шартларына яраклаштырылган диагностика һәм коррекциянең авторлык методикаларын үзләштерүгә дә аерым игътибар бирелде. Тыңлаучылар заманча диагностик инструментлар кулланып актуаль кейсларны анализлау мөмкинлеге алдылар. Мондый алым белгечләрдә заман таләпләренә һәм федераль дәүләт белем бирү стандартлары таләпләренә туры килә торган принципиаль яңа һөнәри компетенцияләр формалаштыруга ярдәм итә.
Үзләштергән белем һәм күнекмәләр белгечләргә белем бирү маршрутын индивидуальләштерергә, бала һәм аның гаиләсе белән үзара хезмәттәшлекне нәтиҗәле рәвештә җайлаштыруга, шулай ук укучыларның уңышлы социаль интеграциясенә ярдәм итәргә мөмкинлек бирәчәк.
