Мәскәүдә дәүләт мәгариф университеты мәйданчыгында 2026 елның 5-6 февралендә мәгарифне үстерү төбәк институтлары (квалификация күтәрү институтлары) һәм Россия Мәгариф министрлыгы карамагындагы педагогик югары уку йортлары эшчәнлеген синхронлаштыру буенча стратегик сессия үткәрелде. Сессия эшендә өстәмә һөнәри белем бирүне күзәтүче РФ субъектлары башкарма хакимияте органнары җитәкчеләре урынбасарлары, мәгарифне үстерү һәм квалификация күтәрү төбәк институтлары җитәкчеләре, шулай ук педагогик югары уку йортларының өстәмә һөнәри белем бирү буенча проректорлары катнашты.
Чараның икенче көненең төп темасы «Вершина» хәрби-патриотик тәрбия үзәге эшчәнлеге һәм уңышлы тәҗрибәсе булды. Аны үзәкнең директоры, махсус хәрби операция катнашучысы Иван Бондюков тәкъдим итте.
Чыгыш барышында сессиядә катнашучыларга «Вершина» эшенең яңа юнәлешләре җентекләп яктыртылды, алар арасында − Мәскәү һәм Мәскәү өлкәсе медицина учреждениеләрендә реабилитация узучы махсус хәрби операциядә катнашучылар өчен мәгърифәтчелек чаралары, мәктәп укучылары һәм студентлар белән патриотик очрашулар оештыру, махсус хәрби операциядә катнашучылар өчен методик киңәшләр булдыру һәм Бөтенроссия масштабындагы патриотик вакыйгалар үткәрү.
Россия Федерациясе мәгариф министры Сергей Кравцов башкарыла торган эшнең әһәмиятен билгеләп үтте, шулай ук махсус хәрби операциядә катнашучыларының педагогик эшчәнлеккә интеграциясенә ярдәм итү максатында «Вершина» үзәге тәҗрибәсен ведомство карамагындагы оешмаларга трансляцияләргә тәкъдим итте. «Без дәүләт мәгариф университеты һәм «Вершина» үзәге белән бергә махсус хәрби операциядә катнашучылар яңадан әзерлек узарга һәм педагогик эшчәнлек белән шөгыльләнергә мөмкин булган программаны гамәлгә ашырабыз. Проект инде яхшы нәтиҗә күрсәтә, һәм бу тәҗрибә илнең төрле төбәкләрендә файдалы булачак. Башка педагогик югары уку йортларында да шундый ук үзәкләр булдыра алачакбыз», − диде Министр.
Көн программасын ике мөһим гамәли блок дәвам итте: педагогик югары уку йортлары вәкилләре белән табигый-фәнни профильле укытучылар әзерләү буенча эшлекле киңәшмә һәм Россия Федерациясе субъектлары өчен аттестациянең максатчан моделенең цифрлы комплексын технологик һәм контент белән тәэмин итүне тәкъдим итү.
Стратегик сессия нәтиҗәләре файдалы хезмәттәшлеккә көчле этәргеч булыр һәм илебезнең мәгарифне үстерү буенча төбәктәге институтлары һәм педагогик югары уку йортлары арасындагы багланышларны яңа дәрәҗәгә күтәрергә мөмкинлек бирер дип ышанабыз!
