2026 елның 27 гыйнварыннан 5 февраленә кадәр Татарстан Республикасы Мәгарифне үстерү институты мәктәпкәчә һәм башлангыч гомуми белем бирү кафедрасы тарафыннан «Мәктәпкәчә яшьтәге балалар белән эшләүдә заманча педагогик технологияләр» темасына квалификация күтәрү программасы гамәлгә ашырылды (кураторы – Мифтахетдинова Н.Р.).
Әлеге программаны гамәлгә ашыру кысаларында мәктәпкәчә белем бирү эчтәлеген яңарту процессында барлыкка килә торган конкрет һөнәри ситуацияләрне тикшерүгә аерым игътибар бирелде.
Биектау районының «Бәләкәч» МББМУ һәм Казан шәһәре Совет районының 64 нче номерлы МББМУ базасында үткәрелгән стажировка барышында федераль белем бирү программасы нигезендә мәктәпкәчә белем бирү программасын гамәлгә ашыруны тәэмин итү һәм мәктәпкәчә белем бирү оешмасының тәрбия эшчәнлеген планлаштыру һәм гамәлгә ашыру өчен заманча педагогик технологияләрне куллану тәҗрибәсе өйрәнелде. Укулар проектларны яклау формасында йомгаклау аттестациясе белән тәмамланды.
Тыңлаучылар программаны оештыручыларга һәм укытучыларга эчтәлекле һәм кызыклы һәм файдалы материаллар, укыту процессын югары дәрәҗәдә оештырулары өчен рәхмәт белдерделәр.
