Мәктәпкәчә белем бирү оешмаларына йөрүче мәктәпкәчә яшьтәге балаларның ата-аналарына (законлы вәкилләренә) белем бирү Программасын кертүне методик тәэмин итүне оештыру кысаларында Татарстан Республикасы Мәгарифне үстерү институты өстәмә һөнәри белем бирү дәүләт мәгариф учреждениесенең мәктәпкәчә һәм башлангыч гомуми белем бирү кафедрасы 2026 елның 20 гыйнварында «Ата-аналарга белем бирү: яңа таләп, мәктәпкәчә белем бирү системасында гамәлгә ашыру юллары» дигән республика семинары үткәрде.
Чарада методистлар, мәгариф идарәләренең мәктәпкәчә юнәлешне алып баручы белгечләре, шулай ук Татарстан Республикасында ата- аналарга белем бирү программасын гамәлгә ашыручы мәктәпкәчә белем бирү оешмалары-пилот мәйданчыклары җитәкчеләре һәм педагоглары катнашты.
Катнашучыларга сәламләү сүзе белән Татарстан Республикасы Мәгарифне үстерү институтының мәктәпкәчә һәм башлангыч гомуми белем кафедрасы мөдире Хәмитова Гөлназ Рәшит кызы мөрәҗәгать итте. Ул билгеләп үткәнчә, 2026 ел Россия Федерациясе Мәгариф министрлыгы тарафыннан мәктәпкәчә белем елы дип игълан ителде. Әлеге инициатива мәктәпкәчә тәрбиянең сыйфатын күтәрүгә, инфраструктураны модернизацияләүгә һәм педагогик кадрларга ярдәм итүгә юнәлдерелгән.
Семинарда катнашучыларны Татарстан Республикасы Мәгариф һәм фән министрлыгының мәктәпкәчә белем бирү бүлегенең әйдәүче консультанты Закирова Светлана Николаевна сәламләде. Ул катнашучыларга республиканың 52 мәктәпкәчә оешмасы базасында ата-аналар белемен сынау эшләре алып барылуын, киләчәктә программаны республиканың барлык балалар бакчаларында гамәлгә кертү планлаштырылуын хәбәр итте.
Семинар спикерлары үз чыгышларында ата-аналарга белем бирүне оештыруның актуаль мәсьәләләрен карадылар:
- «Педагог һәм гаилә: ничек итеп компетентлы диалог төзергә» — МБ Мәгарифне үстерү Корпоратив университетының мәктәпкәчә белем бирү кафедрасы мөдире, ИРЗАР ФДБФның әйдәп баручы фәнни хезмәткәре, педагогика фәннәре кандидаты Гладкова Юлия Андреевна;
- «Ата-аналарны агартуның яңа форматлары. Ата-ана-партнер, контролер түгел» — Санкт-Петербург шәһәренең 56 нчы номерлы академия гимназиясенең мәктәпкәчә бүлек җитәкчесе Гермогенова Елена Валерьевна;
- «Балалар бакчасында ата-аналарга белем бирүнең нәтиҗәлелеген арттыру: замана таләпләре һәм аларны практикада хәл итү юлларын анализлау» — КемГУ доценты, Кемерово шәһәренең 155 нче номерлы МБББУ мөдире Григорьева Ольга Федоровна, психология фәннәре кандидаты;
Семинарда Татарстан Республикасы балалар бакчаларында программаны гамәлгә кертү мониторингы нәтиҗәләренә анализ ясалды. Татарстан Республикасы Мәгарифне үстерү институты доценты Латыйпова Рәсилә Илдус кызы ата- аналарны укыту программаларын гамәлгә ашыруда төп проблемалы зоналарны билгеләде, алар арасында – ата-аналарның активлыгы түбән булу, тәрбиячеләрнең квалификациясе җитмәү, ресурслар кытлыгы, шаблонлы караш.
Семинарның модераторы, Татарстан Республикасы Мәгарифне үстерү институты доценты Башинова Светлана Николаевна үз чыгышында тыңлаучыларның игътибарын ата-аналар белемен уңышлы оештыру өчен кирәкле булган педагогларның һөнәри компетенцияләрен үстерүнең мөһимлегенә юнәлтте. Кафедра хезмәттәшлеккә әзер һәм пилот өстәмә белем бирү оешмаларына билгеләп үтелгән проблема буенча квалификацияне күтәрүдә методик ярдәм тәкъдим итә.
Семинарда катнашучылар чараны оештыруга югары бәя бирделәр һәм аеруча ата-аналар белән аралашуның нәтиҗәлелеген арттыру өчен тәкъдим ителгән материалларның файдасын билгеләп үттеләр.
Семинарның видеоязмасын сылтама аша кереп карарга мөмкин: https://disk.yandex.ru/d/XrWwg9uvr8YwTg
