2025 елның 9-10 декабрендә Астана шәһәрендә Казахстан Республикасы Мәгариф министрлыгы, Астана шәһәре хакимияте һәм «Белім-Инновация» Халыкара иҗтимагый фонды оештырган «РУХИ КЫЙММӘТ. ШӘХЕС. КИЛӘЧӘК» халыкара педагогик форумы үткәрелде.
Форумның максаты укыту-тәрбия процессына милли кыйммәтләрне интеграцияләү мәсьәләләре буенча фикер алышу, шулай ук үзебезнең һәм чит ил экспертлары арасында нәтиҗәле педагогик практикалар алмашу иде.
Форум программасы түбәндәге форматларны үз эченә алды:
- Q-Talks — TEDx форматында халыкара һәм үзебезнең спикерлар чыгышлары;
- «Мәгариф. Ысул. Инновация» — «Адал азамат» программасын гамәлгә ашыруның иң яхшы тәҗрибәләрен күрсәтү;
- Түгәрәк өстәл — рухи кыйммәткә юнәлтелгән белем бирү буенча методик хезмәттәшлек һәм тәҗрибә уртаклашу;
- Панельле сессияләр — гамәли мастер-класслар, инновацион белем бирү модульләре һәм мини-дәресләр.
Форум чараларында Казахстан Республикасыннан 1500 педагог катнашты, онлайн трансляцияне бөтен дөнья буйлап 10 000нән артык катнашучы карады. Кыргызстан, Үзбәкстан, Таҗикстан, Татарстан һәм Казахстан вәкилләре мәгариф эчтәлегенә рухи кыйммәтләрне интеграцияләүнең нәтиҗәле модельләрен тәкъдим иттеләр.
Институтның асоциаль тәртипне тәрбияләү һәм профилактикалау лабораториясенең әйдәп баручы фәнни хезмәткәре Шәехов Марат Рәшит улы түгәрәк өстәлдә Татарстан Республикасы мәгариф оешмаларында тәрбия эшен оештыру тәҗрибәсен тәкъдим итте, шулай ук рухи кыйммәтләр формалаштыруның фәнни нигезләренә багышланган мастер-класс белән панель сессиясендә чыгыш ясады.
Hashtags: ИРОРТ
