Татарстан Республикасы Мәгарифне үстерү институты профессоры, педагогика фәннәре докторы Мөхәммәтҗанова Флера Габделбәр кызы һәм Татарстан Республикасы Мәгарифне үстерү институты аспиранты Мануйлов Максим Александрович 2025 елның 15-16 маенда Ватанны саклаучылар елына багышланган «Үзгәргән дөньяда шәхеснең рухи-әхлакый кыйммәтләре һәм социализациясе» дип исемләнгән дәрәҗәле халыкара фәнни-гамәли конференциядә катнашалар.
Конференция бу көннәрдә К.Э. Циолковский исемендәге Калуга дәүләт университетында уза һәм мәгариф, психология һәм социология өлкәсендә әйдәп баручы экспертларны берләштерә. Флера Габделбәр кызы һәм Максим Александрович үзләренең тикшеренүләре нәтиҗәләрен тәкъдим итәчәкләр һәм яшьләргә рухи-әхлакый тәрбия бирүнең актуаль мәсьәләләре буенча фикер алышуларда актив катнашачаклар.
Без вәкилләребезгә алга таба фәнни эшчәнлекләрендә ихлас күңелдән уңышлар һәм илһам, яңа ачышлар һәм илебез педагогикасын үстерүгә һәм гомумән белем бирүнең сыйфатын күтәрүгә ярдәм итүче әһәмиятле нәтиҗәләр телибез. Аларның тырышлыгы хезмәттәшләре өчен үрнәк һәм илһам чыганагы булып торсын.
#ИРОРТ #АспирантураИРОРТ #Аспирантура #АспирантыИРОРТ
