2025 елның 23 гыйнварында Татарстан Республикасы Мәгарифне үстерү институты Казан суворов хәрби училищесы белән берлектә «Заманча педагогик эшчәнлек: тәҗрибә, проблемалар һәм чишү юллары» темасына багышланган ел саен уздырыла торган «Родионов укулары» Бөтенроссия фәнни-гамәли конференциясен үткәрде.
Бу конференция Татарстан Республикасы Мәгарифне үстерү институтының Ватанны саклаучылар елы кысаларында гамәлгә ашырылачак чаралар сериясен ачты. Конференция гибрид форматта Сферум мәйданчыгында узды. Конференциядә илебезнең 19 төбәгеннән, шул исәптән Россия Федерациясе Оборона министрлыгының югары уку йортына кадәрге 25 белем бирү оешмасыннан 300дән артык педагог хезмәткәре катнашты. Конференциягә 120 дән артык доклад тәкъдим ителде: 49 көндезге һәм 78 читтән торып доклад.
Конференция барышында катнашучылар заманча белем бирү мохитендә укыту һәм тәрбияләүнең актуаль мәсьәләләре, шулай ук педагогларның һөнәри үсешенең төп юнәлешләре турында фикер алыштылар. Патриотик тәрбия бирү һәм белем бирү сыйфатын күтәрү мәсьәләләренә аерым игътибар бирелде.
Конференциянең пленар утырышында Татарстан Республикасы Мәгарифне үстерү институты Фәнни һәм инновацион эшчәнлек буенча проректоры Шәмсетдинова Лариса Петровна, Казан суворов хәрби училищесы башлыгы урынбасары Жарков Олег Александрович, Казан суворов хәрби училищесы укытучысы (аерым дисциплина (инглиз теле) җитәкчесе) Майсейкова Вероника Евгеньевна, Советлар Союзы Герое Николай Волостнов исемендәге Васильев кадет мәктәп-интернаты директоры Савельев Игорь Владимирович чыгыш ясадылар.чыгыш ясадылар.
Конференция дүрт секцияне үз эченә алды:
- беренче секция укучыларның һәм педагогларның уңышлы укыту нигезе буларак төп компетенцияләрен формалаштыруга багышланды;
- икенче секция федераль белем бирү программаларын гамәлгә кертү кысаларында белем бирү эшчәнлегендә заманча цифрлы технологияләрне куллануның гамәли аспектларын карады;
- өченче секция педагогның шәхси һәм һөнәри үсеше шарты буларак иҗтимагый-фәнни цикл фәннәрен укытуда традицион һәм инновацион технологияләр, методлар, формалар һәм алымнар интеграциясен яктыртты;
- дүртенче секция, тәҗрибә, традицияләр һәм инновацияләрне дә кертеп, федераль дәүләт белем бирү стандартларын гамәлгә ашыру шартларында, тәрбиянең заманча системасы нигезләре буларак, патриотизм темасына кагылды.
Конференция эше йомгаклары буенча материаллар җыентыгы әзерләнә, анда һөнәри кызыксынулары һәм эшчәнлекләре мәгариф һәм тәрбиянең актуаль бурычларын хәл итүгә юнәлдерелгән конференциядә катнашучыларның мәкаләләре кертеләчәк. Конференциядә катнашучылар үткәрүнең уңайлы форматын, тәкъдим ителгән материалларның актуальлеген, тәкъдим ителгән практикаларның нәтиҗәлелеген һәм секцион мәйданчыкларда иҗади атмосфераны билгеләп үттеләр.
