2024 елның 15 ноябрендә Татарстан Республикасы Мәгарифне үстерү институты Н. Г. Җиһанов исемендәге Казан дәүләт консерваториясе, Казан шәһәренең 24 нче балалар музыка мәктәбе, Россия фольклор берлегенең Татарстан төбәк бүлеге, Казан шәһәренең Мәгариф идарәсе каршындагы фольклор ансамбльләре һәм халык җыры ансамбльләре җитәкчеләренең шәһәр муниципаль берәмлеге белән берлектә онлайн режимда «Балаларга өстәмә белем бирү системасында иҗади һәм иҗтимагый берләшмә буларак фольклор коллективы» педагогик укулары кысаларында очрашу үткәрелде (алга таба – Укулар).
Укуларның төп максаты – этномәдәни сәнгать белеме һәм тәрбия өлкәсендә актуаль педагогик тәҗрибәне тарату. Укулар белемнең барлык дәрәҗәләрендәге педагогик бергәлеккә адресланган.
Очрашу барышында укуларда катнашучылар «И. С. Палантай исемендәге Мари республика мәдәният һәм сәнгать көллиятендә» балалар өчен фольклор-этнографик экспедицияләр үткәрү, «Музыкаль фольклор» профессиональ программасын гамәлгә ашыру шартларында башкару репертуарын сайлау, халык уеннарын үзләштерү, фольклор мирасын өйрәнү практикалары белән таныштылар. Хәбәрләрнең бер өлеше педагогик коллектив һәм ата-аналар бергәлегенең үзара бәйләнеше темасына багышланган иде.
15 ноябрьдә узган чарада республикабыз шәһәрләре һәм районнарыннан, шулай ук Россия Федерациясе төбәкләреннән: Новосибирск, Волгоград, Киров, Санкт-Петербург, Йошкар-Ола, Пермь краеның Чайковский шәһәрләреннән педагоглар катнашты.
Очрашу катнашучылар һәм тыңлаучылар тарафыннан җанлы кабул ителде, алар профессиональ аралашуның әлеге форматының бик вакытлы булуы һәм кирәклеге турында сөйләделәр.
