Татарстан Республикасы Мәгарифне үстерү институты Программалар һәм проектларны гамәлгә ашыру үзәге тарафыннан «Педагогик остазлык: белем бирү интенсивы» (72 сәгать) өстәмә һөнәри квалификация күтәрү программасы гамәлгә ашырылды.
Билгеләнгән аудитория: төп, урта гомуми һәм өстәмә белем бирү программаларын гамәлгә ашыручы белем бирү оешмалары җитәкчеләре, җитәкче урынбасарлары.
Программа кысаларында тыңлаучылар интерактив лекцияләр, семинарлар, практикумнар һәм тренинглар аша белем бирү оешмаларында педагогик остазлыкны гамәлгә ашыру өчен кирәкле һөнәри компетенцияләрне камилләштерделәр. Шул ук вакытта остазлык эшчәнлегенең проблемалы кырын формалаштыру буенча остазлык программасын кертүгә, конкрет ситуацияләрне анализлауга һәм остазлык программасын гамәлгә ашыруның заманча ысулларына аерым игътибар бирелде.
2024 елның 13 һәм 15 февралендә, квалификация күтәрү программасын үзләштерү чорында, тыңлаучылар 146 нчы «Ресурс» лицее, Н.И. Лобачевский исемендәге лицей базаларында стажировка мәйданчыклары эшендә актив катнаштылар.
Стажировка барышында директор Д.С. Кәримова җитәкчелегендәге 146 нчы «Ресурс» лицее командасы коллегалары белән команда формалаштыру серләре белән уртаклашты, җитәкче вәкаләтләрен тапшыру практикасын һәм хәзерге шартларда кадрлар рекрутингы элементларын күрсәтте. Стажировка мәйданчыгы эше кысаларында 146 нчы «Ресурс» лицее Д.С. Кәримова «Белем бирү оешмасында остазлык: дефицитларны билгелибез һәм чишелешләр табабыз» темасына «бизнес – баня» форматында мастер – класс үткәрде.
Н.И. Лобачевский исемендәге лицей стажировка мәйданчыгында «Ярдәм түгәрәкләре», «Укытучыларны үстерәбез. Укытучының өзлексез үсеше белән идарә итү» проектларын гамәлгә ашыру аша сыйфат белән идарә итү системасының нәтиҗәле компоненты буларак остазлыкның бердәм моделен булдыру буенча тәҗрибә трансляцияләнде. Н.И. Лобачевский исемендәге лицей командасы лицей директоры Е. Г. Скобельцына җитәкчелегендә эшли.
Педагоглар һәм тренерлар эше тыңлаучыларда зур кызыксыну уятты. Йомгак ясаганда алар курсларны оештыруның югары дәрәҗәсен билгеләп үттеләр: программа бай, материал грамоталы сайланган иде. Шулай ук Татарстан Республикасы Мәгарифне үстерү институты профессор-укытучылар составының, Программалар һәм проектларны гамәлгә ашыру үзәге хезмәткәрләренең эшендә төгәллек, игелеклелек һәм профессиональлек билгеләнде.
