2022 елның 14 апрелендә Татарстан Республикасы Мәгарифне үстерү институты Татарстан Республикасы Спас муниципаль районы Башкарма комитетының мәгариф бүлеге, Болгар дәүләт тарихи-архитектура музей-тыюлыгы белән берлектә Болгар шәһәрендә «Спас җирендә туган якны өйрәнүчеләр очрашуы» V Республика туган якны өйрәнүчеләр форумын уздырды.
1969 елның 14 апрелендә Татарстан Республикасында иң борынгы Болгар дәүләт тарихи-архитектура музей-тыюлыгы булдырыла.
Сәламләү сүзе белән Татарстан Республикасы Спас муниципаль районы Башкарма комитетының мәгариф бүлеге башлыгы Ермилин Александр Николаевич һәм Татарстан Республикасы Мәгарифне үстерү институты Асоциаль тәртипне тәрбияләү һәм профилактикалау лабораториясе мөдире, филология фәннәре кандидаты Шәехов Марат Рәшит улы чыгыш ясадылар.
Катнашучыларның чыгышлары компетентлы жюри әгъзалары тарафыннан бәяләнде, жюри составында Татарстан Республикасы Мәгарифне үстерү институты, Болгар дәүләт тарихи-архитектура музей-тыюлыгы, Спас муниципаль районының мәгариф бүлеге һәм Балалар иҗаты йортының әйдәп баручы галимнәре, белгечләре, педагогик хезмәткәрләре бар иде.
Бүләкләүдән соң укучылар өчен Болгар дәүләт тарихи-архитектура музей-тыюлыгы Музей-мәгариф эшчәнлеге бүлеге фәнни хезмәткәре Ваһапов Ринат Зиннәт улы тарафыннан мастер-класс һәм музей-тыюлык буенча мавыктыргыч экскурсия үткәрелде.
Жюри эш нәтиҗәләре буенча укучылар һәм педагоглар арасында җиңүчеләр һәм призерлар билгеләнде (исемлек бирелгән). Барлык укучыларны һәм педагогларны котлыйбыз, Татарстанда да, аннан читтә дә туган якны өйрәнү хәрәкәтен үстерүдә нәтиҗәле эш телибез!
