Татарстан Республикасы Мәгарифне үстерү институты Мәктәпкәчә һәм башлангыч гомуми белем бирү кафедрасы «Мәгариф-Союз» нәшриятының мәктәпкәчә белем бирүне үстерү мәсьәләләренә багышланган төбәкара фәнни – гамәли конференциясе эшендә катнашты. Конференция 2022 елның 19 декабрендә Казан шәһәренең 101 нче катнаш төрдәге балалар бакчасы базасында узды.
Конференциядә мәгариф идарәсе органнары белгечләре һәм мәктәпкәчә белем бирүне күзәтүче муниципаль методик системалар методистлары, мәктәпкәчә белем бирү оешмалары җитәкчеләре һәм укытучылары катнашты.
Конференциядә катнашучыларны һәм кунакларны Татарстан Республикасы Мәгариф һәм фән министры урынбасары Закирова Минзәлә Заһри кызы, Татарстан Республикасы Мәгарифне үстерү институты Мәктәпкәчә һәм башлангыч гомуми белем бирү кафедрасы мөдире Хәмитова Гөлназ Рәшит кызы сәламләде.
«Татарстан Республикасы мәктәпкәчә белем бирү системасы үсешенең үзенчәлекләре һәм өстенлекле юнәлешләре» доклады белән Татарстан Республикасы Мәгариф һәм фән министрлыгының Мәктәпкәчә белем бирү бүлеге башлыгы Хисамиева Йолдыз Шамил кызы чыгыш ясады.
Пленар утырышта әйдәп баручы федераль экспертларның чыгышлары аеруча кызыксыну белән тыңланды:
- РФ мактаулы гомуми белем хезмәткәре, «Просвещение-Союз» җаваплылыгы чикләнгән җәмгыятенең мәктәпкәчә белем бирү буенча әйдәп баручы методисты Скоролупова Оксана Алексеевна,
- Педагогика фәннәре кандидаты, Мәскәү психология-социаль университетының Психология һәм белем бирү педагогикасы кафедрасы доценты Тимофеева Лилия Львовна,
- «Мәгариф-Союз» җаваплылыгы чикләнгән җәмгыятенең үсешкә илтә торган белем бирү һәм яңа продуктларны гамәлгә кертү бүлеге җитәкчесе урынбасары Беседина Наталия Александровна.
Аларның чыгышларында заманча таләпләрне исәпкә алып, мәктәпкәчә белем бирү оешмаларының өстенлекле эш юнәлешләре каралды, мәктәпкәчә белем бирү өлкәсендәге яңа проектлар тәкъдим ителде.
Конференциянең икенче өлешендә Татарстан Республикасының мәктәпкәчә гомуми белем бирү буенча алдынгы педагогик тәҗрибәсе тәкъдим ителгән секция утырышлары узды:
- Мәдәниятләр диалогында тәрбияләү. Төбәк тәҗрибәсе.
- Балалар бакчасында тәрбия бирү процессын методик тәэмин итү системасын оештыру. Төбәк тәҗрибәсе.
- 3-7 яшьлек балаларда уку белеменең алшартларын формалаштыру. Төбәк тәҗрибәсе.
