Татарстан Республикасы Мәгарифне үстерү институты Мәгълүмат-аналитика бүлегенең һәм Асоциаль тәртипне тәрбияләү һәм профилактикалау лабораториясенең фәнни хезмәткәрләре тарафыннан «Белем бирү оешмаларында этномәдәни юнәлешле программаларны гамәлгә ашыру: проблемалы зоналар» гамәли фәнни тикшеренү нәтиҗәләре гомумиләштерелде.
Тикшеренүләр Татарстан Республикасы Мәгариф һәм фән министрлыгының 2021 елның 22 декабрендәге 1732/21 номерлы «2022 елга Татарстан Республикасы Мәгарифне үстерү институты өчен гамәлгә куючының дәүләт биремен раслау турында» боерыгы нигезендә үткәрелде. Тикшеренү барышында төп кулланылучы Google Forms онлайн-сервисында урнаштырылган структур анкета буенча үткәрелгән сораштыру методы булды. Респондентлар сыйфатында Татарстан Республикасының гомуми белем бирү оешмаларында эшчәнлек алып баручы «Сәнгать» фән өлкәсе педагоглары чыгыш ясады (барлыгы 106 кеше сораштырылган иде). Тикшеренү географиясе тарафыннан Татарстан Республикасының 15 муниципаль берәмлеге, шул исәптән ике шәһәр округы да (Казан шәһәре һәм Чаллы шәһәре) колачланган.
Үткәрелгән гамәли фәнни тикшеренү нәтиҗәләрен анализлау этномәдәни юнәлештәге программаларны нәтиҗәле гамәлгә ашыруга комачаулый торган кайбер проблемаларны ачыкларга мөмкинлек бирде:
- педагогка дәрес һәм дәрестән тыш эшчәнлеккә әзерләнергә ярдәм итә торган уку әсбапларының, методик эшләнмәләрнең җитәрлек булмавы;
- «Сынлы сәнгать» предметы кысаларында өйрәнү өчен Татарстан Республикасы халыкларының декоратив-гамәли иҗаты үрнәкләренең булмавы;
- «Музыка» предметы кысаларында өйрәнү өчен Татарстан Республикасы халыкларының музыкаль фольклор үрнәкләренең булмавы;
- халык мәдәниятен өйрәнүгә юнәлтелгән фән-белем бирү мохитенең җитәрлек формалашмавы.
Тикшеренү үзенчәлеге булып, «Сәнгать» фән өлкәсе укытучыларының мәдәни-танып белү, кыйммәти-шәхес һәм мотивация-эшчәнлек компетентлыгы буенча этномәдәни компетентлык дәрәҗәсен мониторинглау торды. Мониторинг мәгълүматлары нигезендә педагогларга кирәкле методик ярдәм юнәлешләре билгеләнде, шулай ук этнопедагогик компетентлыкны арттыруның иң нәтиҗәле формалары билгеләнде.
