Дәреслекләр буенча фәнни-методик совет утырышы узды, аның нәтиҗәләре буенча федераль исемлеккә кертү өчен 327 дәресле хупланды, шул исәптән туган телләр буенча һәм мөмкинлекләре чикләнгән балаларны укыту өчен.
2022 елда Россия Федерациясе Мәгариф министрлыгына 1200 дән артык дәреслек керде. Шул ук вакытта ведомство килә торган басмаларның сыйфатына карата таләпләрне шактый арттырган. Федераль исемлекне актуальләштерү кысаларында 900 дәреслекне бетерү турында карар кабул ителде, алар буенча эксперт бәяләмәләренең гамәлдә булу вакыты биш елдан артып китә. Шул ук вакытта 1200 яңа дәреслекнең 43ен совет өстәмә экспертизага җибәргән.
Дәреслекләр санын киметүнең мөһимлеген укытучылар, шулай ук җәмәгатьчелек һәм депутатлар корпусы вәкилләре билгеләп үтте.
2022 елда экспертизага юнәлтелгән басмаларның күпчелеге дәреслекләрне яңа федераль дәүләт белем бирү стандартларына күчерүгә бәйле, алар яңа предметларны гамәлгә кертүне яки гамәлдәгеләрен гамәлдән чыгаруны күз алдында тотмый, ә өйрәнелә торган предметның эчтәлеген төгәлләштерә.
Җайлаштырылган гомуми белем бирү программаларын гамәлгә ашыру өчен билгеләнгән дәреслекләр федераль исемлегенә кертү кысаларында, беренче чиратта, мөмкинлекләре чикләнгән балаларның барлык категорияләрен колачлау зарурлыгына игътибар бирелде. Шулай итеп, федераль исемлек 47 дәреслек белән тулыландырылачак, алар шул исәптән интеллектуаль яктан һәм күрү сәләтендә тайпылышлар булган балалар өчен дә.
Федераль исемлеккә кертү өчен хупланган туган телләр буенча дәреслекләр туган тел һәм әдәбият буенча 1-11 нче сыйныф укучылары өчен каралган һәм тугыз телдә, шул исәптән алтай, адыгей, татар, карачай һәм чуваш телләрендә дә тәкъдим ителә.
РФ Мәгариф министрлыгының матбугат хезмәте материаллары буенча
