2022 елның 21 мартыннан 1 апреленә кадәр Татарстан Республикасы Мәгарифне үстерү институты (Асоциаль тәртипне тәрбияләү һәм профилактикалау лабораториясе) «Музыкаль инструментларда уйнарга өйрәтүнең методик аспектлары: системалы якын килү» өстәмә һөнәри программасы буенча квалификация күтәрү курсларын уңышлы үткәрде (куратор - Г.Р. Мортазина, әйдәп баручы фәнни хезмәткәр, педагогика фәннәре кандидаты).
Курслар программасы балаларны музыка коралларында уйнарга өйрәтүче өстәмә белем бирү учреждениеләре укытучылары өчен институт диварларында беренче тапкыр тормышка ашырылды. Курсларның эчтәлеге федераль дәүләт таләпләре нигезендә белем бирү эшчәнлеген оештыру, белем бирү процессында интеллектуаль (авторлык) хокукларының үтәлеше, балалар музыка мәктәбендә һәм балалар сәнгать мәктәбендә инклюзив белем бирү шартларында сәламәтлек ягыннан мөмкинлекләре чикләнгән балаларны укыту технологиясе, балалар музыка мәктәбе һәм балалар сәнгать мәктәбе укытучысы эшчәнлегендә нейропсихологик алымнар куллану, педагогларның эмоциональ януын профилактикалау, музыкант педагог эшчәнлеген алга сөрү коралы буларак социаль челтәрләрне куллану, һөнәри эшчәнлектә цифрлы белем бирү ресурсларын һәм инструменталь музыкаль-терапевтик технологияләрне куллану, сәхнә этикеты һ.б. мәсьәләләрне үз эченә алган яңалык характеры белән билгеләп үтелде.
Дистанцион уку атнасы My Own Conference, JAZZ by Sber, Google Meet һәм Moodle кебек цифрлы платформаларда узды. Көндезге форматта Казан шәһәренең остаз мәйданчыклары сыйфатында 20 нче балалар музыка мәктәбе (директор Галләмова М.А., укытучы Рәхмәтуллина Л.Р.), 21 нче балалар музыка мәктәбе (директор А.В. Смирнова, укытучы Шәйдуллина Л.А.), 5 нче балалар музыка мәктәбе (директор Сөләйманова С.Р., укытучы Вежеватова Л.О.), 4 нче балалар сәнгать мәктәбе (директор Рәхмәтуллина М.Л., укытучы Шакирова Е.Н.) чыгыш ясады.
Төрле музыкаль инструментларда уйнарга өйрәтүнең кызыклы педагогик тәҗрибәсе белән 20 нче балалар музыка мәктәбе стажировка мәйданчыгы (директор Галләмова М.А.) таныштырды.
Курслар кысаларында Казан шәһәренең махсус фортепиано укытучыларының шәһәр методик берләшмәсе белән берлектә «187 нче күппрофильле лицей» МБУда «Фортепианода уйнауга өйрәтүнең методик аспектлары: системалы якын килү» дип исемләнгән педагогик семинар үткәрелде. Семинар спикерлары түбәндәгеләр булды: Рутгерс Д.П., мәгариф хезмәткәрләренең квалификациясен күтәрү һәм һөнәри белемнәрен арттыру Академиясе укытучысы (Мәскәү шәһәре) «Заманча музыкаль технологияләр» предметы буенча, Мәскәү Ачык белем бирү институты укытучысы «Клавишные музыкальные инструменты» махсус курс буенча, CASIO Europe GmbH (Германия) мәгариф проектлары координаторы, CASIO Co (Япония) электр инструментлары буенча эксперт; Маршанский Д.Б., Н.Г. Җиһанов исемендәге Казан дәүләт консерваториясенең директоры, Н.Г. Җиһанов исемендәге Казан дәүләт консерваториясенең махсус фортепиано кафедрасы доценты, ТР атказанган мәдәният хезмәткәре һәм Лемешко О.Р., Н.Г. Җиһанов исемендәге Казан дәүләт консерваториясенең югары квалификация категориясе укытучысы, ТР атказанган мәдәният хезмәткәре. Барлык катнашучылар да сертификат алды.
Укучыларның йомгаклау аттестациясе музыка тәрбиясенең һәм укытуның актуаль проблемалары буенча дискуссия түгәрәк өстәле формасында узды. Чара конструктив, уңай юнәлештә узды, катнашучылар проблемалы зоналар турында фикер алыштылар һәм аларны хәл итү буенча тәкъдимнәр әйттеләр.
Укучылар курсның бай программасы өчен институт җитәкчелегенә, курсларны оештыручыларга һәм лекторларга зур рәхмәт белдерделәр.
