2020 елның 22 декабрендә педагогик хезмәткәрләргә өзлексез һөнәри белем бирүнең өстенлекле юнәлешләре буенча нәтиҗәле практикалар эшләүгә һәм гамәлгә кертүгә юнәлдерелгән проект кысаларында, шул исәптән өстәмә һөнәри белем бирүнең селектив программаларын кулланып, Татарстан Республикасы Мәгарифне үстерү институты «Россия фәннәр академиясенең Мәгарифне үстерү стратегиясе институты»ның белем сыйфатын бәяләү үзәге белән берлектә «Функциональ грамоталылыкны формалаштыру һәм бәяләү буенча мәгариф оешмалары тәҗрибәсе» дип аталган виртуаль стажировка уздырды.
Проект «Мәгарифне үстерү» Россия Федерациясе дәүләт программасының «Киләчәк укытучысы» федераль проектын гамәлгә ашыру кысаларында гомуми, өстәмә һәм һөнәри белем бирү системасының педагог хезмәткәрләренә өзлексез белем бирү форматларында һөнәри осталык дәрәҗәсен арттыру» чараларын гамәлгә ашыру максатларында 2020 елда субсидияләр рәвешендә федераль бюджеттан (Россия Мәгариф министрлыгының 01.04.2020 № 153 боерыгы) субсидияләр рәвешендә федераль бюджет гранты кысасында гамәлгә ашырыла.
«Функциональ грамоталылыкны формалаштыру һәм бәяләү буенча мәгариф оешмалары тәҗрибәсе» стажировкасын «Россия фәннәр академиясенең Мәгарифне үстерү стратегиясе институты»ның белем сыйфатын бәяләү үзәге җитәкчесе, педагогика фәннәре кандидаты Ковалева Галина Сергеевна үткәрде. Функциональ грамоталылыкны формалаштыру һәм бәяләү тәҗрибәсе белән «Казан шәһәре «146 Ресурс» лицее, Чаллы шәһәренең «11 нче урта мәктәбе», Түбән Кама шәһәренең «29 нчы урта мәктәбе» гомуми белем бирү оешмалары уртаклашты.
Стажировка программасы:
- «Белем алучыларның төп компетенцияләр системасын үзләштерү чарасы буларак функциональ грамоталылыкны үстерү», Казан шәһәре 146 нчы «Ресурс» лицееның уку эшләре буенча директор урынбасары Гаврильчева Татьяна Александровна
- «11 нче урта белем бирү мәктәбенең функциональ грамоталылык формалаштыру буенча эш тәҗрибәсеннән», Яр Чаллы шәһәре 11 нче урта гомуми белем бирү мәктәбе директоры Мосолкова Елена Петровна һәм мәктәп командасы
- «Белем бирүнең барлык дәрәҗәләрендә укучыларның функциональ грамоталылыгын үстерү контекстында белем бирүне оештыру», Түбән Кама муниципаль районының 29 нчы урта мәктәбе директоры Габдуллаәхмәтов Илдар Ансарович һәм мәктәп командасы.
Үз чыгышларында мәктәп командалары белем бирү оешмасы алдында функциональ грамоталылыкны үстерү һәм формалаштыру буенча куелган мәсьәләләргә һәм бурычларга аеруча игътибар бирделәр; формалаштырылган функциональ грамоталылык дәрәҗәсенең җәмгыять тормышында алга таба да катнашу өчен кирәкле төп компетенцияләр үсешенә йогынты ясавын билгеләп үттеләр; администрация һәм педагогларның җаваплылыгына җентекләп тукталдылар; кайбер нәтиҗәле алымнар һәм практикалар тәкъдим иттеләр.
Стажировкада мәгариф идарәләре методистлары, укыту һәм методик эш буенча директор урынбасарлары, гомуми белем бирү оешмалары педагоглары һәм проектта катнашучылар катнашты.
Язмага сылтама: https://youtu.be/AhxLbKDp8g0
