• Русский
  • Татарча

Анонслар һәм яңалыклар

Рус дөньясының мәктәп китапханәчеләре ассоциациясе (РМКА) «Мәктәп китапханәләренең Халыкара айлыгына - 2020» вебинарын үткәрә.

30 сентябрь, 2020 - 13:16
«Мәктәп китапханәләренең Халыкара айлыгына - 2020» Вебинары 2020 елның 1 октябрендә 12:00 сәгатьтә булачак.
Инде 11 тапкыр РМКА, халыкара инициативаны хуплап, октябрьдә мәктәп китапханәләренең халыкара айлыгын үткәрә.
Быел мәктәп китапханәчеләре халыкара бергәлеге «Яхшы сәламәтлеккә һәм иминлеккә үз юлыңны табу» темасын раслады.
Россия мәктәп китапханәчеләре бергәлеге, «Укый торган мәктәп - укый торган әни - укучы ил» флагман проектын һәм СОVID-19 вакытында үткәрелгән «Китап белән баланы иркәлибез!» дигән уку акциясен дәвам итеп, «Йөрәкне ачабыз. Китап белән баланы кочаклыйбыз» айлыгы темасы итәргә карар кылды.

«Мәгарифне үстерү» Россия Федерациясе дәүләт программасы чараларын гамәлгә ашыру кысаларында: «Белем бирү сыйфаты: дидактик алымнар һәм методик чишү юллары» семинары

30 сентябрь, 2020 - 12:05
2020 елның 29 сентябрендә Татарстан Республикасы Мәгарифне үстерү институты «Мәгарифне үстерү» дәүләт программасы чараларын гамәлгә ашыру кысаларында, белем бирү нәтиҗәләре түбән булган һәм уңайсыз шартларда эшләүче мәктәпләрдә белем бирү сыйфатын күтәрүгә юнәлдерелгән, «Белем бирү сыйфаты: дидактик алымнар һәм методик чишү юллары» семинары форматында ТР Буа муниципаль районының Боерган урта гомуми белем бирү мәктәбе педагоглары өчен вариатив чара үткәрде.

Россия Федерациясенең Туган тел (татар теле) һәм әдәбияты укытучылары өчен вебинар

29 сентябрь, 2020 - 16:13

2020 елның 29 сентябрендә Татарстан Республикасы Мәгарифне үстерү институтының татар теле һәм әдәбияты кафедрасы “Татар телен һәм әдәбиятын укытуда коммуникатив технологияләр” темасы буенча туган (татар) теле һәм әдәбияты укытучылары өчен вебинар үткәрде.
Доклад белән татар теле һәм әдәбияты кафедрасы доценты, ф.ф.к. Фәттахова Рүзилә Фирлавес кызы чыгыш ясады. Вебинар эшендә 85 педагогик хезмәткәр катнашты.

"Авыл укытучысы" VII Республика конкурсының турыдан-туры этабы

29 сентябрь, 2020 - 15:10

2020 елның 29 сентябрендә "Мәгариф "журналы Татарстан Республикасы Мәгарифне үстерү институты белән берлектә "Авыл укытучысы" VII Республика конкурсының турыдан-туры этабын үткәрде. Конкурста Татарстан Республикасының авыл мәктәпләрендә эшләүче фән укытучылары катнашты. Читтән торып үткәрелгән һәм турыдан-туры этапларның эксперт комиссиясе эшендә Мәгарифне үстерү институты хезмәткәрләре: татар теле һәм әдәбияты кафедрасы доценты, ф.ф.к. Гыйләҗева Л.Г.; татар теле һәм әдәбияты кафедрасының өлкән укытучысы Г.В.Һадиева катнаштылар.

Мәктәпкәчә белем бирү учреждениеләре педагогик хезмәткәрләренең квалификациясен күтәрү программасын гамәлгә ашыру

29 сентябрь, 2020 - 14:40
888

Агымдагы елның 16-29 сентябрь көннәрендә «Федераль дәүләт белем бирү стандартларын тормышка ашыру шартларында мәктәпкәчә белем бирүнең заманча технологияләре» проблемасы буенча өстәмә һөнәри белем бирү программасы тормышка ашырылды, 30 педагогик хезмәткәр укытылды (программаның кураторы – Мифтахетдинова Н.Р., өлкән укытучы).

Татарстан Республикасы Спас муниципаль районы Антоново урта гомуми белем бирү мәктәбе педагогик хезмәткәрләре өчен семинар

29 сентябрь, 2020 - 13:38
2020 елның 28 сентябрендә «Татарстан Республикасы мәгарифен үстерү институты» өстәмә һөнәри белем бирү дәүләт мәгариф учреждениесе уку нәтиҗәләре түбән һәм уңайсыз социаль шартларда эшләүче мәктәпләрдә 2020 елда «Мәгарифне үстерү» дәүләт программасы буенча чараларны гамәлгә ашыру кысаларында «Татарстан Республикасы Спас муниципаль районы Антоновка урта гомуми белем бирү мәктәбе» МББУ базасында семинар-практикум форматында кыска вакытлы чара үткәрде.

Рус теленнән Бөтенроссия мәктәп укучылары олимпиадасының муниципаль этабына әзерлек буенча бюджеттан тыш курслар тәмамланды

28 сентябрь, 2020 - 11:44

2020 елның 21 - 26 сентябрендә Татарстан Республикасы белем бирү оешмаларының рус теле һәм әдәбияты укытучылары «Федераль дәүләт белем бирү стандартларын гамәлгә ашыру контекстында рус теленнән Бөтенроссия олимпиадасының муниципаль һәм төбәк этапларына әзерлек системасы» квалификациясен күтәрүнең бюджеттан тыш өстәмә һөнәри программасы буенча укулар узды. Анда һәр тыңлаучыга 36 сәгать күләмендә укулар үткәрелде.

«Белем сыйфатын күтәрү максатларында укучыларны ДЙАга системалы әзерләүне оештыру» онлайн конференциясе

26 сентябрь, 2020 - 08:00

2020 елның 25 сентябрендә Татарстан Республикасы Мәгарифне үстерү институтының онлайн-мәйданчыгында, уңайсыз социаль шартларда эшләүче мәктәпләрдә белем бирүнең сыйфатын күтәрүгә юнәлтелгән чараларны һәм 2020 елда «Мәгарифне үстерү» РФ дәүләт программасын тормышка ашыру кысаларында, Чүпрәле районы Иске Ишле урта гомуми белем бирү мәктәбе белән берлектә, «Белем сыйфатын күтәрү максатларында укучыларны ДЙАга системалы әзерләүне оештыру» темасына конференция үткәрелде.

«Полилингваль шәхес булдыруда мәктәпнең роле» семинары

25 сентябрь, 2020 - 16:45

2020 елның 25 сентябрендә Казан шәһәренең «Адымнар - белем һәм татулыкка юл» полилингваль комплексы базасында укытучылар һәм Алабуга муниципаль районы мәктәпләре җитәкчеләре өчен укыту семинары узды. Семинарда катнашучыларга «Сәлам!» УМК буенча дәресләр күрсәтелде һәм түгәрәк өстәл оештырылды, анда Татарстан Республикасының Мәгарифне үстерү институтының татар теле һәм әдәбияты кафедрасы әгъзалары Шәмсетдинова Р.Р. һәм Гыйләҗева Л.Г. чыгыш ясады. Үз чыгышларында алар семинарда катнашучыларны УМК белән эшләү үзенчәлекләре һәм 6-8 сыйныфларда «Сәлам!» УМК апробациясе процессы белән таныштырдылар.

«Иң яхшы билингваль балалар бакчасы» грантын алу өчен конкурс сайлап алуы

25 сентябрь, 2020 - 10:40

2020 елның 22 сентябреннән 25 сентябренә кадәр «Иң яхшы билингваль балалар бакчасы» грантын алу өчен конкурс сайлап алуының беренче этабы узды. Бу бәйге мәктәпкәчә яшьтәге балаларга билингваль белем бирүнең югары сыйфатын тәэмин итүче мәктәпкәчә белем бирү оешмаларының иң яхшы педагогик коллективларын ачыклау һәм бүләкләү максатларында үткәрелә. 2020 елда конкурста Татарстан Республикасының 44 мәктәпкәчә белем бирү оешмасы катнаша.

Pages