![«Җәмгыять белемен укыту контекстында XXI гасырның глобаль проблемалары» онлайн семинары](http://irort.ru/sites/default/files/styles/large/public/photoofnews/3_10.jpg?itok=aa_xfX0m)
2021 нче елның 12 нче маенда «Татарстан Республикасы Мәгарифне үстерү институты» өстәмә һөнәри белем бирү дәүләт бюджет мәгариф учреждениесе мәйданчыгында муниципаль белем бирү системаларының юл карталарын тормышка ашыруны фәнни-методик яктан тәэмин итү кысаларында тарих һәм җәмгыять белеме укытучылары өчен укыту семинары узды.
Татарстан Республикасы Лаеш, Чүпрәле, Аксубай, Түбән Кама һәм Чирмешән муниципаль районнарының 70тән артык укытучысы глобаль характердагы иң мөһим проблемаларны укыту мәсьәләләре буенча фикер алышуда катнашты.
Семинарда доклад белән Бөтенроссия тарих һәм җәмгыять белеме укытучылары ассоциациясенең төбәк бүлеге рәисе Фәхретдинов Раил Равил улы чыгыш ясады. Республиканың әйдәп баручы укытучылары бу теманы укытуда үзләренең педагогик тәҗрибәсен югары сыйныфларда тәкъдим иттеләр.
Чараның модераторы Татарстан Республикасы Мәгарифне үстерү институтының социаль-гуманитар фәннәр кафедрасы булды, аның укытучылары шулай ук әлеге теманың иң мөһим эчтәлекле һәм методик аспектлары буенча докладлар белән чыгыш ясадылар.
Семинар программасы, шулай ук иң кызыклы методик эшләнмәләр белән Татарстан Республикасы җәмгыять белеме, икътисад һәм хокук укытучыларының региональ берләшмәсе сайтында түбәндәге бүлектә танышырга мөмкин: http://www.irort.ru/ru/node/2651