2026 елның 19 сентябрендә Татарстан Республикасы мәгариф оешмалары җитәкчеләренең кадрлар резервы өчен «Заманча мәгариф менеджменты» өстәмә һөнәри белем бирү программасы тәмамланды. 6 апрельдә старт алган укулар педагогика һәм мәгариф идарәсе кафедрасы базасында үткәрелде.
Программаны гамәлгә ашыру кысаларында заманча мәгариф менеджментының төп аспектлары: идарә итү фикерләвенең гомуми теориясе һәм тарихы, мәгарифтә стратегик менеджментның гамәли аспектлары, мәгариф һәм мәгариф оешмасы белән идарә итү технологияләре, персонал менеджменты, инновацион менеджмент, идарә психологиясе, мәгариф оешмасы җитәкчесенең һөнәри компетентлыгын формалаштыру һ.б. каралды.
Йомгаклау этабы барышында Татарстан Республикасы Мәгариф һәм фән министрлыгының фәнни-техник сәясәт бүлеге башлыгы Җ.Н.Мотыйгуллин, Татарстан Республикасы Мәгарифне үстерү институты хезмәткәрләре катнашында лекцияләр һәм практик дәресләр үткәрелде.
Казан шәһәре Авиатөзелеш районының «119 нчы урта мәктәбе» МБББУ (директоры Т.П. Фадеева) һәм КФУның «Н.И. Лобачевский исемендәге лицей» МБББУ (директоры Е.Г. Скобельцына) базасында йомгаклау сессиясе барышында «Мәгариф оешмасы белән идарә итүдә инновацион алымнар. Белем бирү процессында ясалма интеллект» стажировкасы үткәрелде.
Укулар Дәүләт йомгаклау аттестациясе белән тәмамланды. Комиссия әгъзалары чыгарылыш төркеменең теоретик һәм практик әзерлеге югары дәрәҗәдә булуын билгеләп үттеләр. Тыңлаучылар курсларның бик яхшы оештырылуын, программаның гамәли юнәлешле булуын һәм укытуның барлык этапларында сыйфатлы алып барылуын ассызыкладылар.
