Иркутск шәһәрендә «Россиянең ел директоры – 2026» Россиякүләм конкурсының йомгаклау этабы ачылды. Ярышның девизы — «Идеядән – гамәлләргә».
Ярышларның читтән торып үткәрелгән этабы апрель ахырыннан июнь ахырына кадәр дәвам итте. Башта катнашучылар профессиональ онлайн-тест уздылар, аннары социаль челтәрдә мәкаләләр сериясен тәкъдим иттеләр һәм видеоконференция форматында команда белән эшләү күнекмәләрен күрсәттеләр. Сайлап алу йомгаклары буенча йомгаклау этабында 30 катнашучы билгеләнде.
Алар арасында – Татарстан Республикасы мәктәпләренең педагогик коллективларын җитәкләүче берьюлы 4 җитәкче:
- Альменеев Александр Геннадьевич – «Аерым фәннәрне тирәнтен өйрән 35 нче ә торган урта гомуми белем бирү мәктәбе» МАББУ директоры, Яр Чаллы шәһәре;
- Ежов Сергей Константинович – «Иннополис мәктәбе» ДАББУ директоры, Иннополис шәһәре;
- Николаев Максим Анатольевич – Казан шәһәре Мәскәү районының «Гармония» 20 нче номерлы гимназиясе» МБББУ директоры;
- Сәгъдиева Гөлнара Нил кызы – ТР Әлмәт шәһәренең «Татарстан нефтенең 70 еллыгы исем. 25 нче номерлы урта гомуми белем бирү мәктәбе» директоры.
Алда турыдан-туры сынауларның ике туры. Беренчесе Иркутск шәһәрендә үткәреләчәк: конкурсантлар «Хәрәкәт траекториясе» сынавында стратегик идарә итү чишелешләрен тәкъдим итәләр һәм «Яклы һәм каршы» дискуссияләрендә катнашалар. Икенче тур нәтиҗәләре буенча Мәскәү өлкәсендә үткәреләчәк киләсе этапта катнашучылар билгеләнәчәк.
Директорларыбызга искиткеч чыгышлар, чыдамлык һәм лаеклы җиңүләр телибез!
ТР Мәгариф һәм фән министрлыгы матбугат хезмәте материаллары буенча
