Иннополисның мәгариф кластерында «Физика-математика проекты» кысаларында иң яхшы тәҗрибәләрне өйрәнү буенча республика семинары үткәрелде. ТР Мәгариф һәм фән министрлыгы, ТР Мәгарифне үстерү институты һәм КФУ тарафыннан Югары Ослан районы мәгариф бүлеге ярдәмендә оештырылган чарада укытучылар, методистлар, мәгариф учреждениеләре җитәкчеләре, алдынгы югары уку йортлары һәм технологик компанияләр вәкилләре катнашты.
Семинарның төп үзенчәлеге практикага юнәлтелгән алым булды – традицион докладлар урынына катнашучылар динамикалы мастер-класслар һәм ачык дәресләр сериясен карадылар, анда укытуның инновацион методикаларын гамәлдә күрә алдылар.
Программа Иннополис мәктәбендә директор Сергей Ежовның сәламләү сүзеннән башланды. Педагоглар физика дәресләрендә интерактив платформалардан алып цифрлы датчикларга кадәр булган реаль уку процессында заманча белем бирү инструментларының кулланылышын күзәтә алдылар.
Укучылар катнашындагы дәресләр аеруча кызыксыну уятты. Иннополис университеты студенты җитәкчелегендәге математик көрәш фрагментын һәм Бөтенроссия робототехника олимпиадасы призеры Айдар Әхмәтшин һәм «Роботлар сугышы» финалисты Лев Корнилов үткәргән робот техникасы буенча остаханә «Укучы — остаз» моделенең нәтиҗәлелеген күрсәтте.
Инглиз телендәге математика дәресләре һәм «Инженерлык вертикале» кысаларындагы дәресләр дисциплинаара алымның укучыларда фән һәм технологияләрне бербөтен итеп аңлауны формалаштыруын күрсәтте.
Көннең икенче яртысында семинар Иннополис лицеенда дәвам итте, директоры Арман Костанян киләчәк заман инженерларын тәрбияләүгә юнәлдерелгән бербөтен мәгариф экосистемасын тәкъдим итте.
Лицей партнерлары — Иннополис Университеты, «Сибур» холдингы («Казаноргсинтез» гавами акционерлык җәмгыяте) һәм «Т-Образование» вәкилләре уку процессына интеграцияләнгән югары уку йортына әзерлек программалары һәм проект эшчәнлеге турында сөйләделәр. Семинарда катнашучылар лицей укучылары тәкъдим иткән проектларның югары дәрәҗәдә икәнен бәяләделәр һәм иҗатны, тикшеренү активлыгын стимуллаштыручы вариатив белем бирү мохите белән таныштылар.
Көн Татарстан Республикасы Мәгариф һәм фән министрлыгының өстәмә һөнәри белем бирү бүлеген үстерү бүлеге башлыгы Роза Шәяхмәтова җитәкчелегендәге түгәрәк өстәл белән тәмамланды. Лицей музееның формаль булмаган шартларында педагоглар үз мәктәпләрендә күргән тәҗрибәләрне җайлаштыру мөмкинлекләре турында фикер алыштылар.
Төп нәтиҗә сыгылмалы, гамәли юнәлешле белем бирү форматларының, икътисадның реаль секторы белән тыгыз интеграциянең һәм алган белемнәрен гамәли бурычларны хәл итү өчен шунда ук куллана алырлык мохит булдыруның мөһимлеген аңлау булды.
Семинар мавыккан мәктәп укучысыннан алып кирәкле IT-белгечкә яисә инженерга кадәр булган белем бирүнең нәтиҗәле траекториясен күрсәтте, мондый юлның Татарстан Республикасында физика-математика белемен үстерүнең реаль һәм нәтиҗәле стратегиясе булуын исбатлады.
Чара шулай ук гармонияле үсеш алган һәм социаль җаваплы шәхес тәрбияләү өчен шартлар тудыруга юнәлдерелгән «Яшьләр һәм балалар» илкүләм проектының бурычларын тормышка ашыруга ярдәм итә. Семинарда математика һәм физикага өйрәтүгә тәкъдим ителгән инновацион алымнар белем бирү сыйфатын күтәрү һәм үсеп килүче буында талантларны ачыклау һәм үстерүнең нәтиҗәле системасын формалаштыру буенча илкүләм проектның төп максатларына туры килә.
ТР Мәгариф һәм фән министрлыгының матбугат хезмәте материаллары буенча
