ТР Мәгарифне үстерү институты өстәмә һөнәри белем бирү дәүләт мәгариф учреждениесенең мәктәпкәчә һәм башлангыч гомуми белем бирү кафедрасы доценты Светлана Николаевна Башинова 27-30 сентябрьдә Пятигорскиның «Машук» белем үзәгендә үткәрелгән «Белемле тәрбиячеләр» белем бирү чарасында катнашты.
Программада 180 мәктәпкәчә белем бирү педагогы катнашты. Россия Федерациясенең 71 төбәгеннән тәрбиячеләр, методистлар һәм төбәк координаторлары һөнәри практикалар белән алмашу өчен җыелдылар.
Белем бирү программасын Ставрополь крае мәгариф министры М. Смагина, «Баланы үстерү, сәламәтлек һәм адаптацияләү институты» федераль дәүләт бюджичятет фәнни учреждениесе директоры Е.Н. Приступа һәм «Машук» белем үзәге генераль директоры, «Белем» Россия җәмгыяте генераль директоры урынбасары А.В. Сериковлар ачты.
Ата-аналарны агарту программасын гамәлгә ашыруда иң яхшы тәҗрибәләр белән Ханты-Манси автономияле округы педагоглары уртаклаштылар – алар әтиләрне тәрбия процессына җәлеп итү ысуллары турында сөйләделәр; Калининград өлкәсе белгечләре – ата-аналар белән балалар өчен уртак патриотик чаралар турында; Алтай крае тәрбиячеләре – гаилә белән ял итү сәнгате турында.
Журналист, халык алдында чыгыш ясау, сөйләм культурасы һәм коммуникацияләр буенча тренер Тамара Карташева чыгышлар әзерләү серләре белән уртаклашты. Ата-ана компетенцияләрен үстерүнең, уңайлы тәрбия мохите булдыруның һәм балалар белән аңлы рәвештә аралашуның мөһимлеге турында СПбГУның мәгариф педагогикасы һәм психологиясе кафедрасы доценты Р.Демьянчук; балачакны, гаиләне һәм тәрбияне өйрәнү институты директоры вазифаларын башкаручы А. Цветков; башлангыч гомуми белем бирү үзәге җитәкчесе Н.Ф. Виноградова; мәктәпкәчә белем бирүне үстерү лабораториясе мөдире М.Ю. Парамонова, шул ук лабораториянең әйдәп баручы фәнни хезмәткәре Кротова сөйләштеләр.
Программа азагында тәрбияче-мәгърифәтчеләр берләшмәсен булдыру буенча Юл картасы тәкъдим ителде. Аны гамәлгә ашыру кысаларында тәҗрибә уртаклашу, региональ хакимият органнары белән эшләү, квалификация күтәрү һәм ата-аналарга белем бирү чаралары планлаштырыла.
