Татарстан Республикасы Мәгарифне үстерү институты 2025 елга дәүләт йөкләмәсе, РАО инновацион мәйданчыгы эшчәнлеге кысаларында «Һөнәри яктан камилләштерү стратегияләрен проектлау нигезендә педагогик һәм җитәкче кадрлар остазлыгының региональ системасын үстерү» проекты буенча 2025 елның 15 октябреннән 29 октябренә кадәр «Мәгарифтә остазлык: заманча теория һәм инновацион практика» VII Бөтенроссия фәнни-гамәли конференциясен үткәрә.
Конференция спикерлары –мәгариф өлкәсендә әйдәп баручы экспертлар һәм белгечләр, шулай ук педагог-практиклар.
Конференциянең төп максаты – фәнни һәм гамәли мәгълүмат алмашу, конференциянең өстенлекле юнәлешләре кысаларында алдынгы педагогик тәҗрибәне гомумиләштерү.
Конференциядә катнашырга мәгариф белән идарә итү органнары вәкилләре, мәгариф оешмалары җитәкчеләре һәм педагоглары, шул исәптән балаларга өстәмә белем бирү системасында, урта һәм югары һөнәри белем бирү системасында эшләүчеләр; Россия Федерациясе субъектларыннан мәгарифне үстерү һәм педагогик кадрларның квалификациясен күтәрү институтлары галимнәре һәм белгечләре; студентлар һәм аспирантларны чакырабыз.
Конференция турындагы нигезләмә белән түбәндәге сылтама буенча танышырга мөмкин: https://clck.ru/3NigiK
Теркәлү өчен сылтама: https://clck.ru/3NigRU
