2025 елның 19-21 августында Татарстан Республикасы Мәгарифне үстерү институты (тәрбияләү һәм асоциаль тәртипне профилактикалау лабораториясе) «Яратам» яшьләр үзәге мәйданчыгында «Киләчәк» дип аталган тәүлек буена тәрбияләнүче балалар өчен Татарстан Республикасы гомумибелем бирү оешмалары тәрбиячеләре форумын үткәрде.
Чакырылган тәрбиячеләр, тьюторлар һәм укытучылар тәҗрибәле педагоглар һәм психологлар, эшмәкәрләр чыгышларын тыңладылар, лидерлык буенча тренингларда һәм гамәли сессияләрдә катнаштылар, балалар тәрбияләүдә лидерның роле турында җентекле мәгълүмат алдылар һәм үзләрендә лидерлык сыйфатларын үстерделәр. Катнашучылар бигрәк тә «Татнефть» гавами акционерлык җәмгыятенең сертификацияләнгән уен технигы, коуч һәм корпоратив бизнес-тренеры Сабирова Людмиланың сорауларның көче турындагы чыгышын ошатты.
Форумның соңгы көнендә тәрбиячеләр TeachMeet форматында үзләренең ораторлык осталыкларын сынадылар, балаларны тәрбияләү темасына кыска чыгышлар әзерләделәр. Ә тәрбия кейслары чемпионатында балалар белән эшләүдә иң актуаль ситуацияләрне уен форматында тикшерделәр.
Катнашучылар фикеренә караганда, форум шәхси һәм һөнәри компетенцияләрен үстерүдә файдалы булган. Моннан тыш, хезмәттәшләр бер-берсе белән якыннанрак таныштылар һәм алдагы эшчәнлек өчен илһам алдылар.
