Татарстанда урта һөнәри һәм югары белем бирү, квалификацияле эшче кадрлар һәм белгечләр фаразлау һәм әзерләү буенча ведомствоара координация советы оештырылды.
Татарстан Республикасы Министрлар Кабинетының тиешле боерыгын республика Премьер-министры Алексей Песошин имзалады.
Совет урта звено квалификацияле эшчеләр һәм белгечләр әзерләүне фаразлау һәм координацияләү, шулай ук яшьләргә һөнәри юнәлеш бирү һәм Татарстанның эш тәкъдим итүчеләренә маршрутлаштыру системасын үстерү белән шөгыльләнәчәк.
Аерым алганда, нәкъ менә яңа структура урта һөнәри белем бирү программалары буенча (30 ноябрьдән дә соңга калмыйча), шулай ук югары белем бирү программалары буенча Татарстан Республикасы бюджеты ассигнованиеләре исәбенә (1 ноябрьдән дә соңга калмыйча) кабул итүнең контроль саннарын раслаячак.
Югарыда телгә алынган кабул итүнең контроль саннарын бүлү буенча конкурс үткәрү тәртибе агымдагы 2025 елның 1 сентябренә профильле төбәк ведомстволары тарафыннан расланырга тиеш. Махсус урта һәм югары уку йортларына кабул итүнең контроль саннарының гомуми күләменең җыелма проектын (республика хисабына) ТР Мәгариф һәм фән министрлыгы төзиячәк.
Татарстан вице-премьеры Ләйлә Фазлыева Совет рәисе булды, аның урынбасары итеп ТР Мәгариф һәм фән министры Илсур Һадиуллин билгеләнде. Совет секретаре вазифалары мәгариф һәм фән министрының беренче урынбасары Андрей Поминовка йөкләнде.
Халыкны эш белән тәэмин итүне стимуллаштыру «Кадрлар» илкүләм проекты максатларына туры килә.
Чыганакка сылтама: https://mon.tatarstan.ru/index.htm/news/2436504.htm
