7 май, 2025 - 14:24
6 майдан 10 июньгә кадәр «ЯКласс»та Бөек Җиңүнең 80 еллыгына багышланган «Дорогами Победы» («Җиңү юллары буйлап») Бөтенроссия проекты узачак. 1-11 сыйныф укучыларын һәм урта һөнәри белем бирү студентларын катнашырга чакырабыз.
Проектта Бөек Ватан сугышының героик сәхифәләре белән таныштыра торган белем бирү викториналары, квестлар һәм конкурс биремнәре бар.
Проектның маршруты:
- «Герой-шәһәрләр буйлап» блиц-тур: легендар шәһәрләрдә яшәүчеләрнең егетлек символына әверелгән батырлыклары белән танышыгыз;
- «Данлы шәһәрләр» белем мәктәбе: әһәмиятле тарихи урыннар һәм вакыйгалар турында күбрәк белегез;
- «Коткару йолдызы» мини-квесты: куркынычсызлык буенча биремнәрне үтәгез һәм сертификат алыгыз;
- «Җиңү орденнары һәм медальләре» галереясе: сугыш геройларының бүләкләрен тикшерегез;
- проектның төп вакыйгасы – «Истә тоту өчен белергә» Бөтенроссия конкурсы: тарихны белүегезне күрсәтегез һәм җиңүче дипломына ия булыгыз.
Проектта катнашу бушлай. Барлык катнашучыларга грамоталар һәм сертификатлар биреләчәк, ә үз сыйныфларының актив катнашуын оештырган педагоглар Рәхмәт хатлары белән бүләкләнәчәк.
