2025 елның 24 апрелендә «Башлангыч сыйныф укытучылары эшчәнлегендә цифрлы укыту инструментлары» өстәмә белем бирү һөнәри программасы буенча квалификация күтәрү дәресләре төгәлләнде (куратор – Сәгъдиева Илсөя Тәлгать кызы, мәктәпкәчә һәм башлангыч сыйныф укытучыларын әзерләү кафедрасының өлкән укытучысы).
Курслар барышында анда катнашучылар киләчәк технологияләре белән эшләргә, цифрлы продуктлар һәм мәгариф өлкәсендәге процесслар белән идарә итәргә мөмкинлек бирәчәк белем һәм күнекмәләр алды. Программа кысаларында Мәгарифне үстерү институты мөгаллимнәре җитәкчелегендә (Рябова А.А., Яковенко Т.В., Ларина А.У.) интерактив дидактик ресурслар булдыру өчен онлайн-инструментларны кулланып карадылар.
Стажировка барышында Казанның Вахитов районында урнашкан 51 нче номерлы мәктәпнең тьюторлар коллективы һәм Казанның Идел буе районыннан 16 нчы гимназия укытучысы Миңнеәхмәтова С.А. Татарстан Республикасы мәгарифенең яңартылган электрон системасының яңа ресурсларын һәм «Сферум» платформасына тоташу мөмкинлекләрен тәкъдим иттеләр.
Курсны тыңлаучылар уку процессының югары дәрәҗәдә оештырылуын, һәр укытучының үз эшенең остасы, җитез булуын билгеләп узды.
