1845-1846 елларда Лев Толстой яшәгән тарихи йорт Большая Красная, 68 адресы буенча урнашкан. 1830 елда төзелгән өч катлы бина – төбәк әһәмиятендәге мәдәни мирас объекты. Биредә хәзер Татарстан Республикасы Мәгарифне үстерү институты урнашкан.
Татарстан Республикасының мәдәни мирас объектларын саклау комитеты комплекслы реставрацияләүгә рөхсәт бирде. Реставраторлар тулы бер комплекс эшләр башкарачак: фундаментны ныгытудан һәм түбәләрне ремонтлаудан алып архив фоторәсемнәре буенча оригиналь пыялалы тарихи агач тәрәзәләрне торгызуга кадәр. Бинаның фасадын торгызуга аерым игътибар биреләчәк – белгечләр кирпечтән салынган ярыкларны тутырачаклар һәм йортка тарихи кыяфәтен кайтарачаклар.
Йорт П.И. Киселевский өчен төзелә, соңрак П. Г. Осокинныкы була, ул аны киңәйтә һәм үзгәртеп кора. Төрле елларда биредә фәнни учреждениеләр урнашкан, ә XXI гасыр башында объект яңадан планлаштырылган һәм аерым тарихи элементларын югалткан.
Реставрация, уникаль архитектураны саклап кына калмыйча, йортка яшь Лев Толстой яшәгән вакытка якын булган кыяфәтне дә кайтарырга тиеш.
Татарстан Республикасы мәдәни мирас объектларын саклау комитеты матбугат хезмәте материаллары буенча
