Россия Мәгариф министрлыгы «Россия хәрби-тарихи җәмгыяте»Гомумроссия иҗтимагый дәүләт оешмасы тарафыннан эшләнгән ИСТОРИЯ.РФ федераль порталында «Укытучыга һәм укучыга» махсуслаштырылган бүлегенең ирекле кулланылышта урнаштырылуы турында хәбәр итә (https://histrf.ru/teacher).
Бүлектә 5-11 сыйныфлар укучылары өчен, шулай ук урта һөнәри белем бирү программаларын үзләштерүче укучылар өчен тарих буенча бердәм дәүләт дәреслекләренә өстәмә уку материаллары бар. Дәреслекләрнең һәр параграфы буенча төрле форматтагы материаллар әзерләнгән: аудио, видео, мәкаләләр һәм энциклопедик белешмәләр. Хәзерге вакытта тестлар, карталар һәм тарихи документлар белән башка форматлар да эшләнә.
Бүлек мәгълүматларының гомуми күләме 75тән артык абруйлы чыганак фондларыннан җыелган 30 000 берәмлектән артык контентны үз эченә ала, алар арасында Россия Фәннәр академиясенең Россия тарихы институты, Б. Н. Ельцин исемендәге Президент китапханәсе, Россия «Белем» җәмгыяте, Россия хәрби-тарихи җәмгыяте, Россия Тарихи җәмгыяте һәм башкалар бар.
