2024 елның 12 ноябрендә Татарстан Республикасы Мәгарифне үстерү институтында беренче һәм икенче курс аспирантлары өчен «Тренер, фасилитатор һәм модератор роле» темасына укыту тренингы узды. Чара барышында катнашучылар тренерлар, фасилитаторлар һәм модераторлар эшенең төп аспектларын тирәнтен өйрәнделәр, шулай ук аларның аудитория белән үзара бәйләнеш үзенчәлекләре турында белделәр.
Тренингны алып баручы химия фәннәре кандидаты, фәнни һәм инновацион эшчәнлек буенча проректор Шәмсетдинова Лариса Петровна нәтиҗәле уку дәресләре, семинарлар һәм конференцияләр уздыру буенча гамәли киңәшләр белән уртаклашты. Төркем динамикасы белән идарә итү күнекмәләренә, конструктив диалог оештыруга һәм конфликтлы ситуацияләрне хәл итүгә аерым игътибар бирелде.
Катнашучылар карар кабул итү процессын оештыру белән бәйле күп кенә инсайтлар алдылар, алган белемнәрен интерактив күнегүләр һәм рольле уеннар сериясе аша практикада эшләү мөмкинлегенә ия булдылар. Тренинг нәтиҗәләре буенча аспирантлар үзләренең коммуникатив күнекмәләренең яхшыруын, тренер һәм модератор сыйфатында эшләргә әзер булуларын билгеләп үттеләр. Катнашучылар телне «чиште» һәм үз-үзеңне тәртипкә китерү өчен вектор барлыкка килде, бер-береңне яхшырак белү һәм килеп туган кыенлыкларга төрле яктан карау мөмкинлеге алдылар, дип уртаклаштылар.
Аспирантлар яшь галимнәрне һөнәри эшчәнлеккә әзерләү өчен мондый чараларның мөһимлеген ассызыкладылар һәм киләчәктә тренинглар сериясенең дәвам итүенә өмет белдерделәр.
