30 октябрьдән 1 ноябрьгә кадәр Казанда Авиатөзелеш һәм Яңа Савин районнарының яшь педагоглары өчен интенсив узды. Чара Татарстан Республикасы Мәгарифне үстерү институты һәм Казан мәгариф идарәсенең Мәгълүмати-методик бүлегенең Укыту-методик секторы белән берлектә оештырылды.
Өч көн дәвамында катнашучылар алдынгы педагог-практиклар, педагогик осталык конкурсларында җиңүчеләр һәм призерлар үткәргән мастер-классларны карарга һәм лекцияләр тыңларга уникаль мөмкинлек алдылар, районнарның профсоюз оешмалары эше белән таныштылар. Программалар һөнәри күнекмәләрне үстерүгә һәм педагогик тәҗрибәне баетуга юнәлдерелгән иде.
Интенсивның төп бурычларыннан берсе яшь педагогларга һәрьяклап ярдәм итүгә юнәлдерелгән инициатива — "2.0 берләшмәсе" н формалаштыру буенча юл карталары төзү булды. Бу бергәлек катнашучылар өчен актив профессиональ челтәрне үстерүгә һәм саклап калуга ярдәм итеп, тәҗрибә, ресурслар һәм идеяләр алмашу өчен платформа булырга тиеш.
Оештыручылар һәм катнашучылар чараның югары продуктивлылыгын һәм аның заманча белем бирүгә әзер булган яңа буын педагоглар формалаштыруда әһәмиятен билгеләп үттеләр. Интенсив тәҗрибә уртаклашу, элемтәләрне җайга салу һәм мәгариф өлкәсендә алга таба эшләргә илһам бирү өчен менә дигән мәйданчык булды.
Әлеге интенсив нәтиҗәләре яшь педагогларның һөнәри үсешенә уңай йогынты ясар һәм Татарстанда белем бирү процессының киләчәгенә сизелерлек өлеш кертер дип ышанабыз!
