2024 елның 15 октябрендә гамәлгә куючының 2024 елга дәүләт йөкләмәсен үтәү кысаларында Татарстан Республикасы Мәгарифне үстерү институты Педагогика һәм белем бирү белән идарә итү кафедрасы «Яңа педагогик сыйныф» Республика форумын үткәрде. Форум «Белем бирүдә остазлык: заманча теория һәм инновацион практика» VI Бөтенроссия фәнни-гамәли конференциясе кысаларында узды.
Форумны укыту-методик эш буенча проректор А.В. Хохлов ачып җибәрде. Катнашучыларга сәламләү сүзе белән Татарстан Республикасы Мәгариф һәм фән министрлыгының Өстәмә һөнәри белем бирүне үстерү бүлеге башлыгы Р. И. Шәяхмәтова мөрәҗәгать итте. Үз чыгышында ул республикада психологик-педагогик сыйныфлар үсешенең төп тенденцияләренә тукталды.
Мәгариф системасының актуаль мәсьәләләре, психологик-педагогик сыйныфларның эшчәнлеге, педагогик белем бирү драйверлары буенча кызыксынып фикер алыштылар.
КФУның Филология һәм мәдәниятара багланышлар институтының «Дулкын» һөнәри үсеш үзәгенең әйдәп баручы белгече Л.А. Лисенкова һәм Казан педагогика көллияте директоры А. Г. Җәләлова чыгышларында әйдәп баручы югары уку йортларының, урта махсус урта уку йортларының педагогика сыйныфлары белән үзара хезмәттәшлеге мәсьәләләре күтәрелде.
«Укытучыны үстерәбез», «Булачак укытучы мәктәптә үсә» проектларын гамәлгә ашыруның нәтиҗәле тәҗрибәсе КФУның Н.И. Лобачевский исемендәге лицей директоры Е.Г. Скобельцына, Бөгелмә шәһәренең 3 нче урта мәктәбе директоры Г. В. Дулова һәм Бөгелмә шәһәренең 4 нче урта мәктәбе директоры О. А. Киршина чыгышларында күрсәтелде.
«Әйдаман эшләре җыелмасы» проектын гамәлгә ашыру шартларында психологик-педагогик сыйныфларда укучыларда педагогик һөнәргә тотрыклы кызыксыну формалаштыру турында Казан шәһәре Авиатөзелеш районының 119 нчы урта гомуми белем бирү мәктәбе директоры Т.П. Фадеева һәм әлеге белем бирү оешмасының тарих һәм җәмгыять белеме укытучысы А. В. Четверкин сөйләделәр.
Кадрлар мәсьәләсен хәл итүдәге табышларны һәм перспективаларны Яр Чаллы шәһәренең белем бирү оешмалары мисалында 42 нче урта гомуми белем бирү мәктәбе директоры В. Н. Матюшин, Яр Чаллы шәһәренең Мәгълүмати-методика үзәге өлкән методисты И. И. Фарваева, яктыртты.
Форумда катнашучылар Татарстан Республикасы Мәгарифне үстерү институтына чараның гамәли юнәлешле булуы, белем бирү оешмаларының профильле психологик-педагогик сыйныфларны үстерү буенча уңай тәҗрибәсен диссеминацияләү өчен мәйданчык бирүләре өчен рәхмәт белдерделәр.
